ചെന്നൈ: കാവേരി നദീജല വിഷയത്തില് തമിഴ്നാട്ടിലെ ബന്ദ് സമാധാനപരമായിരുന്നു. ബന്ദിനിടെ ഡിഎംകെ നേതാക്കളായ എം.കെ. സ്റ്റാലിന്, കനിമൊഴി, എംഡിഎംകെ നേതാവ് വൈകോ തുടങ്ങിയ നേതാക്കളെ പൊലീസ് അറസ്റ്റ് ചെയ്തു. അണ്ണാശാലയല് എംപി കനിമൊഴിയുടെ നേതൃത്വത്തില് പ്രവര്ത്തകര് റോഡ് തടഞ്ഞു. എഗ്മൂറില് സ്റ്റാലിനും മൂന്നുറോളം പ്രവര്ത്തകരും ട്രെയിന് തടഞ്ഞു. തുടര്ന്നായിരുന്നു അറസ്റ്റ്.
ചെന്നൈ അടക്കം എല്ലാ നഗരങ്ങളിലും കടകമ്പോളങ്ങള് അടഞ്ഞു കിടന്നു. സ്വകാര്യ സ്കൂളുകളൊന്നും പ്രവര്ത്തിച്ചില്ല. വ്യാപാരികളുടെ ബന്ദിന് ഡിഎംകെ, കോണ്ഗ്രസ്, പാട്ടാളി മക്കള് കക്ഷി, തമിഴ് മാനില കോണ്ഗ്രസ്, ബിജെപി, സിപിഎം, സിപിഐ പാര്ട്ടികളും ചലച്ചിത്ര സംഘടനകളും പിന്തുണ പ്രഖ്യാപിച്ചിരുന്നു. വൈകിട്ട് ആറുവരെയായിരുന്നു ബന്ദ്.
ഗതാഗതത്തെ ബന്ദ് കാര്യമായി ബാധിച്ചില്ല. അതിര്ത്തിയില് കര്ണാടക പൊലീസ് തമിഴ്നാട്ടിലേക്കുള്ള വാഹനം തടഞ്ഞു. കനത്ത പോലീസ് കാവലുണ്ടായിരുന്നു.
