ആലപ്പുഴ: ഹിന്ദു നവോത്ഥാന നായകനായ ശ്രീനാരായണ ഗുരുദേവന്റെ 162-ാമത് ജയന്തി ആഘോഷങ്ങള് നാടെമ്പാടും ഉത്സവാന്തരീക്ഷത്തില് നടന്നു. എസ്എന്ഡിപിയുടെയും ശ്രീനാരായണ പ്രസ്ഥാനങ്ങളുടെയും കരുത്ത് പ്രകടമാക്കുന്നതായിരുന്നു ഗുരുജയന്തി ആഘോഷങ്ങള്. അമ്പലപ്പുഴ, കുട്ടനാട് താലൂക്ക് യൂണിയനുകളില് ചതയദിനാഘോഷം ശാഖാതലങ്ങളിലാണ് സംഘടിപ്പിച്ചത്. ശാഖാ ആസ്ഥാനങ്ങളില് ഗുരുദേവ പ്രാര്ത്ഥനയും ഗുരുമന്ദിരങ്ങളില് വിശേഷാല് പൂജകളും നടന്നു. ഘോഷയാത്ര, ചതയദിനസമ്മേളനം, ഗുരുപ്രഭാഷണങ്ങള്, കലാപരിപാടികള് തുടങ്ങിയവ ചതയദിനാഘോഷങ്ങള്ക്ക് പകിട്ടേകി.
കുട്ടനാട് താലൂക്കിലെ 74 ശാഖായോഗങ്ങളിലും ചതയം ഘോഷയാത്രയും സമ്മേളനങ്ങളും നടന്നു.
ചേര്ത്തല യൂണിയനിലെ ശ്രീനാരായണ ഗുരുജയന്തി ആഘോഷങ്ങളുടെ ഭാഗമായി ജയന്തിഘോഷയാത്രയും മഹാസമ്മേളനവും നടന്നു. ചേര്ത്തല പോലീസ് സ്റ്റേഷന് മൈതാനിയില് നിന്നും ജയന്തിഘോഷയാത്ര ആരംഭിച്ചു. തുടര്ന്ന് ചേര്ത്തല ശ്രീനാരായണ മെമ്മോറിയല് ഗവ.ബോയ്സ് ഹയര്സെക്കന്ഡറി സ്കൂളില് സമ്മേളനം മന്ത്രി പി. തിലോത്തമന് ഉദ്ഘാടനം ചെയ്തു. യോഗം അസി. സെക്രട്ടറി പി.ടി. മന്മഥന് അദ്ധ്യക്ഷത വഹിച്ചു. മുനിസിപ്പല് കൗണ്സിലര് ഡി. ജ്യോതിഷ്, എസ്എന് ട്രസ്റ്റ് ബോര്ഡ് മെമ്പര്മാരായ കെ.പി. നടരാജന്, പ്രൊഫ. മോഹന്കാര്യാട്ട്, യൂത്ത്മൂവ്മെന്റ് യൂണിയന് കണ്വീനര് പി. ജയകുമാര്, വനിതാ സംഘം യൂണിയന് സെക്രട്ടറി തുളസിഭായി, മുന് യൂണിയന് കൗണ്സിലര് കെ.വി. സാബുലാല്, വി.എന്. ബാബു, പി.എസ്. രാജീവ്, ടി. അനിയപ്പന്, നിഷീദ് തറയില്, കെ. ഷിബുലാല്, ബൈജു അറുകുഴി, രഞ്ചിത്ത് ശാന്തി എന്നിവര് സംസാരിച്ചു. യൂണിയന് കണ്വീനര് കെ.കെ. മഹേശന് സ്വാഗതവും യൂത്ത്മൂവ്മെന്റ് യൂണിയന് ചെയര്മാന് അനില് ഇന്ദീവരം നന്ദിയും പറഞ്ഞു. ശ്രീനാരായണ ഗുരുദേവന്റെ ജയന്തി ആഘോഷം തുറവൂരില് വിവിധ സംഘടനകളുടെയും ശ്രീനാരായണ പ്രസ്ഥാനങ്ങളുടെയും ശ്രീനാരായണ ധര്മവേദി, എസ്.എന്.ഡി.പി.ശാഖകളിലും വിപുലമായി ആഘോഷിച്ചു. തുറവൂര്, കാടാതുരുത്ത്, വളമംഗലം വടക്ക്, മദ്ധ്യം, വളമംഗലം തെക്ക്, പഴമ്പള്ളിക്കാവ്, എസ്എന്ജിഎം, പുത്തന്ചന്ത, പൊന്നാംവെളി, അന്ധകാരനഴി, വെട്ടയ്ക്കല്, മനക്കോടം, നാലുകുളങ്ങര, തഴുപ്പ്, പറയകാട്, എഴുപുന്ന, പടിഞ്ഞാറെ മനക്കോടം, ചാവടി, തഴുപ്പ്, വല്യത്തോട്, കുത്തിയതോട്, കോടംതുരുത്ത്, തൈക്കൂടം, പാട്ടുകുളങ്ങര, നാളികാട്ട്, തുറവുര് അമാല് കമ്പനി, എരമല്ലൂര്, ചമ്മനാട്, പൊന്നാംവെളി, ചമ്മനാട് എന്നിവിടങ്ങളിലെല്ലാം ശ്രീനാരായണജയന്തി വിപുലമായി ആഘോഷിച്ചു. സൈക്കിള് റാലിയും ഘോഷയാത്രയും നടത്തി. ചില പ്രദേശങ്ങളില് പായസവിതരണവും ലഡു വിതരണമുണ്ടായി.
