കണ്ണൂര്: സര്ക്കാര് ഓഫീസുകള് വഴി ലഭിക്കുന്ന സേവനങ്ങള് സുതാര്യമാക്കുന്നതിനും എളുപ്പത്തില് ലഭ്യമാക്കുന്നതിനുമായി ആരംഭിച്ച ഇ-ഗേവണന്സ് പദ്ധതി കൂടുതല് മെച്ചപ്പെടുത്തുന്നതിനുള്ള നിര്ദേശങ്ങള് സമര്പ്പിക്കാന് അവസരം. 2010 ഡിസംബറിലാണ് വില്ലേജ് ഓഫീസുകള് വഴി പൊതുജനങ്ങള്ക്ക് ലഭിക്കുന്ന 24 തരം സര്ട്ടിഫിക്കറ്റുകള് ഇ-ഡിസ്ട്രിക്റ്റ് സംവിധാനത്തിലൂടെ കേരളത്തില് ഓണ്ലൈനാക്കിയത്. ഇതിന്റെ ആറു വര്ഷം പൂര്ത്തീകരിക്കുന്നതിനോടനുബന്ധിച്ച് പദ്ധതിയുടെ പുരോഗതി വിലയിരുത്തുന്നതിനും കൂടുതല് മെച്ചപ്പെടുത്തുന്നതിനുള്ള നിര്ദേശങ്ങള് സ്വീകരിക്കുന്നതിനുമായി ഒരു പഠനശാല സംഘടിപ്പിക്കാന് ജില്ലാ ഭരണകൂടത്തിനു പദ്ധതിയുണ്ട്.
പദ്ധതിയുടെ പുരോഗതിക്ക് ഉതകുന്ന ഉപകാരപ്രദമായ നിര്ദ്ദേശങ്ങള് ഉള്ളവര് 25നു മുമ്പ് ജില്ലാ പ്രൊജക്ട് മാനേജര്, ഇ-ഗവേണന്സ്, അക്ഷയ ജില്ലാ പ്രൊജക്ട് ഓഫീസ്, റബ്കോ ഭവന്, കണ്ണൂര് എന്ന വിലാസത്തിലോ റുാസിൃ.സശൊേ@സലൃമഹമ.ഴീ്.ശി എന്ന ഇ-മെയിലിലോ അവ അയക്കണം. നിര്ദേശത്തോടൊപ്പം അയക്കുന്നയാളുടെ കോണ്ടാക്ട് നമ്പറും ഇമെയില് ഐഡിയും ചേര്ക്കണം.
