ഹരിപ്പാട്: സരിത എസ്. നായര് ഉന്നത വിദ്യാഭ്യാസമുള്ള കഴിവുള്ള ഒരു നല്ല സ്ത്രീ ആയിരുന്നുവെന്നും അവരുടെ കഴിവുകളെ വഴിതെറ്റിച്ച് നശിപ്പിച്ചത് യുഡിഎഫാണെന്നും പൊതുമരാമത്ത് വകുപ്പ് മന്ത്രി ജി.സുധാകരന് പറഞ്ഞു. ഹരിപ്പാട് നടന്ന ഡിഫറന്റ്ലി ഏബിള്ഡ് പേഴ്സണ്സ് വെല്ഫെയര് ഫെഡറേഷന് ആലപ്പുഴ ജില്ലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
സരിത സെക്രട്ടറിയേറ്റില് പോകാന് പാടില്ലായിരുന്നു. അന്ന് തുടങ്ങിയതാണ് അവരുടെ ശനിദശ. കോണ്ഗ്രസ് ഭരണത്തില് സ്വയം തൊഴില് ചെയ്യാന് മുന്കൈ എടുക്കുന്ന ഒരു സ്ത്രീയുടെ സ്ഥിതി ഇതാണ്. മുഖ്യമന്ത്രി അടക്കമുള്ളവര് അതില് ഉള്പ്പെട്ടിരിക്കുന്നു. എല്ലാ സ്ത്രീകളും ഇക്കാര്യത്തില് യുഡിഎഫിനെ എതിര്ക്കേണ്ടതാണെന്നും അദ്ദേഹം പറഞ്ഞു. ജില്ലാ പ്രസിഡന്റ് എ.എച്ച്. ഷംസുദ്ദീന് അദ്ധ്യക്ഷനായി. ചടങ്ങില് സിനി ആര്ട്ടിസ്റ്റ് കണ്മണിയെ ആദരിച്ചു. എം. സത്യപാലന്, പി.ഓമനക്കുട്ടന്, പരശവക്കല് മോഹനന്, ഒ.വിജയന് തുടങ്ങിയവര് സംസാരിച്ചു.
