കോട്ടയം: ഓഫീസ് സമയത്ത് ഓണാഘോഷം പാടില്ലെന്ന മുഖ്യമന്ത്രിയുടെ പ്രഖ്യാപനം വന്നതിന് തൊട്ടുപിന്നാലെ പ്രവര്ത്തി സമയത്ത് സമരപ്രചരണ വാഹനത്തിന് സ്വീകരണം നല്കാന് ഇടതുയൂണിയനും. സെപ്തംബര് രണ്ടിന് നടക്കുന്ന പൊതു പണിമുടക്കിന്റെ പ്രചരണാര്ത്ഥം കോട്ടയത്തെത്തിയ പ്രചരണ ജാഥയെ സ്വീകരിക്കാനാണ് ജീവനക്കാര് ഒന്നടങ്കം ഓഫീസ് കാലിയാക്കിയത്.
ജാഥ എത്തിയതോടെ സിവില്സ്റ്റേഷനിലെ മിക്ക ഓഫീസുകളും ഒരുമണിക്കൂറോളം നിശ്ചലമായി. ഓണക്കാലത്ത് സര്ക്കാര് ഓഫീസുകളില് പ്രവൃത്തിസമയത്ത് പൂക്കളം ഒരുക്കുന്നത് സാധാരണക്കാര്ക്ക് സേവനം ലഭിക്കുന്നതില് കാലതാമസം ഉണ്ടാക്കുമെന്നായിരുന്നു മുഖ്യമന്ത്രിയുടെ കണ്ടെത്തല്. ആയതിനാല് അവധി ദിവസങ്ങളിലോ, ഓഫീസ് സമയത്തിനുമുമ്പോ പൂക്കളം ഒരുക്കണമെന്നായിരുന്നു മുഖ്യമന്ത്രിയുടെ നിര്ദ്ദേശം. ഇത് നിലനില്ക്കെയാണ് ഇടതുപക്ഷ സംഘടനകളുടെ നേതൃത്വത്തില് സമരപ്രചരണ ജാഥയ്ക്ക് സ്വീകരണ പരിപാടി സംഘടിപ്പിച്ചത്. ഈ സമയം പൊതുജനങ്ങള്ക്ക് ലഭിക്കേണ്ടിയിരുന്ന സേവനം മുഖ്യമന്ത്രി കാണാതെപോയി. പ്രചരണ പരിപാടികളില് തൊഴിലാളികളുടെ പ്രശ്നങ്ങള് അവതരിപ്പിക്കുന്നതിന് പകരം രാഷ്ട്രീയ പ്രസംഗം നടത്തുന്നതിനാണ് ഉദ്ഘാടകന് ശ്രമിച്ചതെന്നും ആക്ഷേപമുണ്ട്.
