കോഴിക്കോട്: സ്പൈസ് റൂട്ട് ഭക്ഷ്യമേളയ്ക്കു മുന്നോടിയായി നാടന് വിഭവങ്ങള്ക്കായി കേരള ടൂറിസം വകുപ്പ് മത്സരവേദിയൊരുക്കുന്നു. മലബാറിലെ പ്രാദേശിക മല്സരങ്ങള് സപ്തംബര് ഒന്നു മുതല് എട്ടുവരെ കോഴിക്കോട് സ്റ്റേറ്റ് ഇന്സ്റ്റിറ്റിയൂട്ട് ഓഫ് ഹോസ്പിറ്റാലിറ്റി മാനേജ്മെന്റില് നടക്കും. പ്രമുഖ പാചകവിദഗ്ധര് അടങ്ങിയ വിധിനിര്ണയസമിതി തിരഞ്ഞെടുക്കുന്നവര് ഫൈനലില് പങ്കെടുക്കും.
സപ്റ്റംബര് 23 മുതല് 26 വരെ നടക്കുന്ന ഭക്ഷ്യമേളയുടെ അവസാന ദിവസമാണ് ഫൈനല്. പ്രൊഫഷണല്, അമച്വര് വിഭാഗങ്ങളിലായി പങ്കെടുക്കുന്ന മല്സരത്തില് ഫൈനലിസ്റ്റുകള്ക്ക് 31 രാജ്യങ്ങളില്നിന്നായി സ്പൈസ് റൂട്ട് മേളയില് പങ്കെടുക്കാനെത്തുന്ന വിദഗ്ധരുമായി ഇടപഴകാന് സാധിക്കും. തനത് പാചകകല അവതരിപ്പിക്കുന്നതിനൊപ്പം കേരളത്തിലെ പാചകവൈദഗ്ധ്യം കണ്ടെത്തുന്നതിനുമാണ് മല്സരം. കേരളത്തിന്റെ പാചകരീതികള് കൈമാറാനും സാംസ്കാരിക വിനിമയത്തിനും പ്രാദേശികമേളയിലൂടെ സാധിക്കും. പരമ്പരാഗത ചേരുവകളും സുഗന്ധവ്യഞ്ജനങ്ങളും ഉപയോഗിച്ച് മൂന്നു മണിക്കൂറില് പാചകം ചെയ്ത് അവതരിപ്പിക്കാവുന്ന തനതു കേരള വിഭവത്തിന്റെ പാചകക്കുറിപ്പ് അപേക്ഷയോടൊപ്പം നല്കണം. വിജയിക്കുന്ന ആദ്യ മൂന്നു സ്ഥാനക്കാര്ക്ക് സമാപനച്ചടങ്ങില് സമ്മാനവും പങ്കെടുക്കുന്നവര്ക്കെല്ലാം കേരള ടൂറിസം സര്ട്ടിഫിക്കറ്റും നല്കും. പങ്കെടുക്കാനാഗ്രഹിക്കുന്നവര് കേരള ടൂറിസം വെബ്സൈറ്റില് നിന്നു ഡൗണ്ലോഡ് ചെയ്ത അപേക്ഷ ഫോമുകള് അടുത്തുളള മല്സര കേന്ദ്രത്തിലേക്ക് ആഗസ്റ്റ് 27 നകം ഇ-മെയിലായി അയക്കണം ഫോണ് 0495-2385861.
