കോട്ടയം: ശ്രീകൃഷ്ണജയന്തി ആഘോഷങ്ങളുടെ ഭാഗമായി ജില്ലയിലെ ലെ വിവിധയിടങ്ങളില്‍ നടന്ന ശോഭായാത്രകള്‍ വീഥികളെ അമ്പാടിയാക്കി. കാലിക്കോലും പീലിക്കാര്‍കൂന്തലും പീലിതിരുമുടിയും ചാര്‍ത്തിയ ഉണ്ണിക്കണന്മാരും ഗോപികമാരും അണിനിരന്ന ശോഭായാത്രകളില്‍ ആയിരങ്ങള്‍ അണിനിരന്നു. പുരാണ ഇതിഹാസങ്ങളിലെ കഥാപാത്രങ്ങളെ അനുസ്മരിപ്പിച്ചുള്ള നിശ്ചലദൃശ്യങ്ങള്‍ ഘോഷയാത്രകള്‍ക്ക് മിഴിവേകി.
റവന്യൂ ജില്ലയില്‍ 830 ശോഭായാത്രകളും 312 ശോഭാസംഗമങ്ങളും നടന്നു. തൈവയ്‌ക്കാം തണലാകാം താപമകറ്റാം എന്ന സന്ദേശമാണ് ആഘോഷങ്ങളിലൂടെ ബാലഗോകുലം മുന്നോട്ടുവച്ചത്. ജില്ലാതല ആഘോഷങ്ങള്‍ക്ക് സ്വാഗതസംഘം ചെയര്‍പേഴ്‌സണ്‍ ഡോ.പി.ആര്‍.സോന വര്‍ക്കിംഗ് പ്രസിഡന്റ് പ്രൊഫ. ഉണ്ണികൃഷ്ണന്‍, ജനറല്‍ സെക്രട്ടറി അഡ്വ.അജീഷ്, ബാലഗോകുലം സംസ്ഥാന സെക്രട്ടറി കെ.എന്‍.സജികുമാര്‍, സംസ്ഥാന സമിതിയംഗം പ്രൊഫ. സി.എന്‍.പുരുഷോത്തമന്‍, മേഖലാ അദ്ധ്യക്ഷന്‍ പി.എന്‍.സുരേന്ദ്രന്‍, ഉപാദ്ധ്യക്ഷന്‍ വി.എസ്.മധുസൂദനന്‍, കാര്യദര്‍ശിബിജു കൊല്ലപ്പള്ളി സഹകാര്യദര്‍ശി പി.സി. ഗിരീഷ്‌കുമാര്‍, സംഘടനാ കാര്യദര്‍ശി കെ.ജി.രഞ്ജിത്ത്, ഖജാന്‍ജി ബി.അജിത് കുമാര്‍ എന്നിവര്‍ നേതൃത്വം നല്‍കി. കോട്ടയം സെന്‍ട്രല്‍ ജംഗ്ഷനില്‍ ശോഭായാത്ര സംഗമം വനിതാകമ്മീഷനംഗം ഡോ.ജെ. പ്രമീളാദേവി ഉദ്ഘാടനം ചെയ്തു. സംസ്ഥാന നിര്‍വ്വാഹക സമിതിയംഗം എന്‍.ഹരീന്ദ്രന്‍ മാസ്റ്റര്‍ ജന്മാഷ്ടമി സന്ദേശം നല്‍കി. ചെയര്‍പേഴ്‌സണ്‍ ഡോ.പി.ആര്‍.സോന നഗരസഭയുടെ സ്വീകരണം നല്‍കി. ശോഭായാത്രാ സംഗമത്തില്‍ ജില്ലാകാര്യദര്‍ശി പ്രതീഷ് മോഹനന്‍ സഹ. കാര്യദര്‍ശി വിനയകുമാര്‍, നഗര്‍ ആഘോഷ പ്രമുഖ് രതീഷ്, മഹേഷ്, മധു മുട്ടമ്പലം, ജില്ലാ സഹകാര്യവാഹ് ശിവാനന്ദന്‍, ജില്ലാ പ്രസിഡന്റ് ഡോ. ഇ.പി. കൃഷ്ണന്‍ നമ്പൂതിരി, രക്ഷാധികാരി ജി.മോഹനചന്ദ്രന്‍ തുടങ്ങിയവര്‍തൃത്വം നല്‍കി.
പുതുപ്പള്ളിയില്‍ മേഖലാ ഉപാദ്ധ്യക്ഷന്‍ വി.എസ്. മധുസൂദനനും വടവാതൂരില്‍ ജില്ലാ ഖജാന്‍ജി എം.ബി.ജയനും ശോഭായാത്രാ സംഗമം ഉദ്ഘാടനം ചെയ്തു. പനച്ചിക്കാട് പഞ്ചായത്തിലെ സംഗമം പരുത്തുംപാറയില്‍ നടന്നു. നാട്ടകത്ത് ആര്‍എസ്എസ് പ്രാന്തീയ സമ്പര്‍ക്ക പ്രമുഖ് കെ.ബി. ശ്രീകുമാറും ഇറഞ്ഞാലില്‍ ജില്ലാ ഉപാദ്ധ്യക്ഷന്‍ ബിനോയിലാലും ഉദ്ഘാടനം ചെയ്തു. മറിയപ്പള്ളി ശങ്കരന്‍, രാജേഷ് മൂലേടം, ഗോപാലകൃഷ്ണന്‍ തുടങ്ങിയവര്‍ നേതൃത്വം നല്‍കി. തിരുവാര്‍പ്പ് ശ്രീകൃഷ്ണസ്വാമി ക്ഷേത്രത്തില്‍ സംഗമം നടന്നു. കുടമാളൂര്‍ വാസുദേവപുരം ക്ഷേത്രത്തില്‍ നടന്ന ശോഭായാത്രാ സംഗമം ഹിന്ദുഐക്യവേദി സംസ്ഥാന പ്രസിഡന്റ് കെ.പി.ശശികല ടീച്ചര്‍ ഉദ്ഘാടനം ചെയ്തു. ജയകുമാര്‍ കോട്ടയില്‍, ഉണ്ണി, കെ.വി.സാബു, ഉപദേശക സമിതി പ്രസിഡന്റ് രാധാകൃഷ്ണന്‍ കല്ലംപള്ളി, സെക്രട്ടറി സജീവ് കാരിമറ്റം തുടങ്ങിയവര്‍ നേതൃത്വം നല്‍കി.
ആര്‍പ്പൂക്കര പനമ്പാലം കവലിയില്‍ നടന്ന സംഗമം മെഡിക്കല്‍ കോളേജ് സൂപ്രണ്ട് ഡോ.ടി.കെ.ജയകുമാര്‍ ഉദ്ഘാടനം ചെയ്തു. മേഖലാ സഹകാര്യദര്‍ശി പി.സി. ഗിരീഷ് കുമാര്‍ സന്ദേശം നല്‍കി. പാമ്പാടിയില്‍ ആര്‍എസ്എസ് ജില്ലാ കാര്യവാഹ് സജീവും മണര്‍കാട് ദേവീക്ഷേത്രത്തില്‍ താലൂക്ക് അദ്ധ്യക്ഷന്‍ ബി.വിജയകുമാറും സംഗമം ഉദ്ഘാടനം ചെയ്തു.
പള്ളിക്കത്തോട്ടില്‍ ആര്‍എസ്എസ് ജില്ലാ സേവാ പ്രമുഖ് ആര്‍. രാജേഷു ഇളമ്പള്ളിയില്‍ എ.കെ.അനൂപ്കുമാറും ഉദ്ഘാടനം നടത്തി. അയര്‍ക്കുന്നത്ത് താലൂക്ക് സെക്രട്ടറി അനൂപ് കുമാറും കുറകച്ചാലില്‍താലൂക്ക് സെക്രട്ടറി രാജേഷും ഉദ്ഘാടനം നടത്തി. ചങ്ങനാശേരിയില്‍ മേഖലാ സംഘടനാ സെക്രട്ടറി കെ.ജി.രഞ്ജിത്ത് ഉദ്ഘാടനം ചെയ്തു. എന്‍.മനു, ശങ്കരന്‍നായര്‍, രാജു.ടി.പത്മനാഭന്‍, എസ്.വിമല്‍ എന്നിവര്‍ നേതൃത്വം നല്‍കി.
വൈക്കം ടൗണില്‍ ആര്‍എസ്എസ് ജില്ലാ കാര്യവാഹ് ശ്രീജിത്തും. മുളക്കുളത്ത് എസ്.ശ്രീനിവാസനും പൊതിയില്‍-രാഹുല്‍ രവീന്ദ്രനും ഉദ്ഘാടനം ചെയ്തു. പി.എസ്.ഹരിദാസ് നേതൃത്വം നല്‍കി. ഏറ്റുമാനൂര്‍ ടൗണില്‍ ജില്ലാ ഉപാദ്ധ്യക്ഷന്‍ ബിനോയി ലാല്‍ ഉദ്ഘാടനം ചെയ്ത സംഗമത്തിന് ജില്ലാ സംഘടനാ സെക്രട്ടറി പി.കെ.സതീശന്‍ താലൂക്ക് കാര്യദര്‍ശി സന്ദീപ് ആയാംകുടി തുടങ്ങിയവര്‍ നേതൃത്വം നല്‍കി. പാലാ ടൗണില്‍ ജില്ലാ സംഘടനാ കാര്യദര്‍ശി വി.എസ്. ഹരിപ്രസാദും മുണ്ടക്കയം പാര്‍ത്ഥസാരഥി ക്ഷേത്രത്തില്‍ ജില്ലാ അദ്ധ്യക്ഷന്‍ ടി.ജി.മോഹനനും സംഗമം ഉദ്ഘാടനം ചെയ്തു.
പൊന്‍കുന്നത്ത് ജില്ലാ സഹകാര്യദര്‍ശി ഹര്‍ഷ.ജി.നായരും കൊടുങ്ങൂരില്‍ സംസ്ഥാന ഉപാദ്ധ്യക്ഷന്‍ ടി.എസ്. ശിവകുമാറും ഉദ്ഘാടനം ചെയ്തു..
തമ്പലക്കാട് ശോഭായാത്രാ സംഗമം ജില്ലാ ഉപാദ്ധ്യക്ഷ സുമ ഗോപിനാഥും എരുമേലി ശ്രീധര്‍മ്മ ശാസ്താക്ഷേത്രത്തില്‍ ജില്ലാ സെക്രട്ടറി എം.ആര്‍.രാജേഷും ശോഭായാത്രാസംഗമം ഉദ്ഘാടനം ചെയ്തു. സാമൂഹിക സാംസ്‌കാരിക രംഗത്തെ പ്രമുഖര്‍ ആഘോഷങ്ങളില്‍ പങ്കെടുത്തു.
