ന്യൂദൽഹി: ബലൂച്ചിസ്ഥാനിൽ പാക്കിസ്ഥാനെതിരെയുള്ള പ്രതിഷേധം കത്തിപ്പടരുന്നു. പ്രദേശത്തെ സ്വാതന്ത്ര്യ സമര പോരാളികൾ പാക് പതാക അഗ്നിക്കിരയാക്കി. എന്നാൽ ഭാരതത്തിന് ഐക്യദാർഢ്യം പ്രഖ്യാപിച്ചുകൊണ്ട് ത്രിവർണ്ണ പതാക വീശുകയും പ്രധാനമന്ത്രി നരേന്ദ്ര മോദിയുടെ ചിത്രങ്ങൾ ഉയർത്തിക്കാട്ടുകയും ചെയ്തു. ഇതിന്റെ ദൃശ്യങ്ങൾ സമരപോരാളികൾ പുറത്ത് വിട്ടിട്ടുണ്ട്.
ബലൂച്ചിസ്ഥാനിലെ പല പ്രധാന പ്രദേശങ്ങളിലും പാക്കിസ്ഥാൻ ഭരണകൂടത്തിനെതിരെ ശക്തമായ പ്രതിഷേധ പ്രകടനങ്ങളാണ് നടന്നു വരുന്നത്. സുയി, ദേരാ ബുഗതി, ജഫറാബാദ്, നസീറാബാദ് തുടങ്ങിയ പ്രദേശങ്ങളിലാണ് പാക് വിരുദ്ധ പ്രക്ഷോഭങ്ങൾ ഏറ്റവും കൂടുതൽ അലയടിക്കുന്നത്.
Protests going on for past 4 days in Sui, Dera Bugti, Jafarabad & Nasirabad among other locations in Balochistan pic.twitter.com/CAzQ6b3BXe
— ANI (@ANI) August 24, 2016
മുഖം മൂടി അണിഞ്ഞ പ്രക്ഷോഭകാരികൾ ബലൂച്ചിലെ കൂട്ടക്കൊല അവസാനിപ്പിക്കുക എന്ന് ആലേഖനം ചെയ്ത പ്ലേ കാർഡുകളുമായിട്ടാണ് ദൃശ്യങ്ങളിൽ പ്രത്യക്ഷപ്പെടുന്നത്. ഇതിനു പുറമെ ബലൂച്ചിസ്ഥാനിൽ രക്തസാക്ഷിത്വം വരിച്ച സ്വാതന്ത്ര്യ സമര സേനാനി അക്ബർ ബുഗതിയുടെ ചിത്രങ്ങളും പ്രഷോഭകാരികൾ ഉയർത്തിക്കാട്ടുന്നുണ്ട്. പാക് പതാക നിലത്തിട്ട് ചവിട്ടുകയും പ്രധാനമന്ത്രി നവാസ് ഷെരീഫിനെതിരെ മുദ്രാവക്യം വിളിച്ച് കൊണ്ട് പതാക അഗ്നിക്കിരായാക്കുകയായിരുന്നു.
Freedom fighters across Balochistan (Pak) raise Indian flag, PM Modi & late Akbar Bugti's picture in protest. pic.twitter.com/YqKDFn66Nq
— ANI (@ANI) August 24, 2016
ഭാരതത്തിന്റെ സ്വാതന്ത്ര്യദിനത്തിൽ പ്രധാനമന്ത്രി നരേന്ദ്ര മോദി ബലൂച്ചിസ്ഥാനിൽ അരങ്ങേറിക്കൊണ്ടിരിക്കുന്ന അതിക്രമങ്ങളെക്കുറിച്ച് പരാമർശിച്ചിരുന്നു. പ്രവിശ്യയിലെ പാവപ്പെട്ടവർക്ക് നേരെ നടത്തുന്ന അതിക്രമങ്ങൾക്കെല്ലാം പാക്കിസ്ഥാൻ മറുപടി പറയേണ്ടിവരുമെന്ന് അദ്ദേഹം പറഞ്ഞിരുന്നു.
പ്രധാനമന്ത്രിയുടെ ഇത്തരത്തിലുള്ള പ്രസ്താവന ബലൂച്ചിലെ പ്രധാന സ്വാതന്ത്ര്യ സമര പോരാളികളായ നൈല ബലോച്, ബർഗാംദാഗ് ഗുമതി തുടങ്ങിയവർ സ്വാഗതം ചെയ്യുകയും പ്രവിശ്യയിലെ സമാധാനം നിലനിർത്താൻ ഭാരതം മുന്നോട്ട് വരണമെന്ന് അഭ്യർത്ഥിക്കുകയും ചെയ്തിരുന്നു.
#WATCH Protests going on for past 4 days in different locations of Balochistan; Indian flag & PM Modi's pics seenhttps://t.co/wvBoYOW8CY
— ANI (@ANI) August 24, 2016
