10സമ്പന്നരാജ്യങ്ങളില് ഭാരതത്തിന് ഏഴാംസ്ഥാനം. ന്യൂവേള്ഡ് വെല്ത്തിന്റെ റിപ്പോര്ട്ടിലാണ് ഇക്കാര്യം പറയുന്നത്. അമേരിക്കയാണ് പട്ടികയില് ഒന്നാമത്. കാനഡ, ഓസ്ട്രേലിയ, ഇറ്റലി എന്നിവയാണ് യഥാക്രമം എട്ട്, ഒമ്പത്, പത്ത് സ്ഥാനങ്ങളില്.
15അംഗ സമിതി രൂപീകരിച്ച് കേരളത്തിലെ കോണ്ഗ്രസില് നേതൃപുനഃസംഘടനയ്ക്ക് നീക്കം. ഈ സമിതിയില് മേല്കൈ നേടാനാണ് വിവിധ ഗ്രൂപ്പുകള് നോക്കുക. ദല്ഹി സന്ദര്ശിച്ച ഉമ്മന്ചാണ്ടിയും ചെന്നിത്തലയും നിരാശയോടെയാണ് മടങ്ങിയത്.
22ഓവര് മാത്രം കളി നടന്ന ഇന്ത്യ-വെസ്റ്റിന്ഡീസ് നാലാം ടെസ്റ്റിനെക്കുറിച്ച് അന്വേഷണം. മഴ ഒഴിഞ്ഞുനിന്നിട്ടും മത്സരം നടത്താത്തിനെക്കുറിച്ചാവും അന്വേഷിക്കുക. ട്രിനിഡാഡ് ആന്റ് ടൊബാഗോ ക്രിക്കറ്റ് അസോസിയേഷനാണ് ഇതിന് ഉത്തരവിട്ടത്.
27ശതമാനം വോട്ടര്മാര് യുപി നിയമസഭാ തെരഞ്ഞെടുപ്പില് ബിജെപിക്ക് വോട്ടുചെയ്യുമെന്ന് എബിപി-ലോക്നീതി സര്വെ. 26 ശതമാനം വോട്ടുനേടി ബിഎസ്പിയായിരിക്കും രണ്ടാമത്. 30 ശതമാനം എസ്പിക്കും, അഞ്ച് ശതമാനം കോണ്ഗ്രസിനും.
42കിലോമീറ്റര് ഓട്ടത്തിനിടെ രണ്ടര കിലോമീറ്ററിനുള്ളില് എല്ലാ രാജ്യങ്ങളും മത്സരാര്ത്ഥികള്ക്കായി വെള്ളവും ഗ്ലൂക്കോസും മറ്റും നല്കാറുണ്ടെന്നും, തനിക്ക് ഇത് നിഷേധിക്കപ്പെട്ടുവെന്നും റിയോ ഒളിമ്പിക്സില് പങ്കെടുത്ത കായികതാരം ഒ.പി. ഷിജ.
