അമ്പലപ്പുഴ: ആരോഗ്യസര്വകലാശാല സൗത്ത് സോണ് യുവജനോത്സവത്തിന് വണ്ടാനം മെഡിക്കല് കോളേജില് തുടക്കമായി. ആലപ്പുഴ, കൊല്ലം, പത്തനംതിട്ട, തിരുവനന്തപുരം ജില്ലകളിലെ കോളേജുകളില് നിന്നായി രണ്ടായിരത്തോളം കലാപ്രതിഭകള് 69 ഇനങ്ങളില് മത്സരിക്കും.
ഏഴു വേദികളിലായാണ് മത്സരം നടക്കുക. ഗാനരചയിതാവ് രാജീവ് ആലുങ്കല് ഉദ്ഘാടനം ചെയ്തു. മനുഷ്യനന്മയുടെ പ്രതീകമാണ് കലയെന്ന് അദ്ദേഹം പറഞ്ഞു. ജീവിതമാണ് സിലബസ്, ജീവിതത്തില് ആര്ദതയുണ്ടെങ്കിലെ കലകളുണ്ടാകുവെന്നും അദ്ദേഹം പറഞ്ഞു. കോളേജ് പ്രിന്സിപ്പല് ഡോ. എന്. ശ്രീദേവി അദ്ധ്യക്ഷത വഹിച്ചു. യൂണിവേഴ്സിറ്റി യൂണിയന് സെക്രട്ടറി അമല് ആനന്ദ്, ഓര്ഗനൈസിങ് കണ്വീനര് സൂരജ്. ആര്, സെക്രട്ടറി രോഹിത് പ്രസാദ് എന്നിവര് പ്രസംഗിച്ചു. കലോത്സവം ഇന്ന് സമാപിക്കും. ഇന്ന് മോണോആക്ട്, മിമിക്രി, മൈം, സ്ക്കിറ്റ്, ഗ്രൂപ്പ് ഡാന്സ് ആണ്, പെണ്, ഭരതനാട്യം, കുച്ചുപ്പുടി, മോഹിനിയാട്ടം, കേരളനടനം, നാടോടിനൃത്തം ആണ്, പെണ്, നാടകം, പദ്യപാരായണം ഹിന്ദി, മലയാളം, ഇംഗഌഷ്, പ്രസംഗം ഹിന്ദി, മലയാളം, ഇംഗഌഷ്, കഥാപ്രസംഗം എന്നീ ഇനങ്ങളില് മത്സരങ്ങള് നടക്കും.
