അമൃതസര്: പഞ്ചാബിലെ അമൃതസറില് പോലീസ് ഹെഡ്കോണ്സ്റ്റബിള് ജര്ണെയില് സിംഗി(42 യഥാര്ഥ പേര് വേറെ)ന്റെ വയറ്റില് നിന്ന് 40 കത്തികള് പുറത്തെടുത്തു!! കടുത്ത വയറുവേദനയെത്തുടര്ന്ന് നടത്തിയ അള്ട്രാ സൗണ്ട് സ്കാനിംഗില് വയറ്റിനുള്ളില് ആദ്യം മുഴ കണ്ടെത്തി. സ്ഥിരീകരിക്കാന് നടത്തിയ എന്ഡോസ്കോപ്പിയിലാണ് ഇത് കത്തികളാണെന്ന് മനസിലായത്.
മണിക്കൂറുകള് നീണ്ട ഓപ്പറേഷനില് പുറത്തെടുത്ത കത്തികളുടെ എണ്ണം കണ്ട് ഡോക്ടര്മാര് അമ്പരന്നു. കടുത്ത മാനസിക പ്രശ്നമുള്ള ഇയാള് കഴിഞ്ഞ രണ്ടു മാസം കൊണ്ട് വിഴുങ്ങിയതാണ് ഇവ. പല വലിപ്പമുള്ള കത്തികളില് ചിലത് അടച്ച നിലയിലാണ്. ചിലവ തുറന്നും. ഏതാനും എണ്ണം തുരുമ്പിച്ചിരുന്നു.
20 വര്ഷത്തെ ജോലിക്കിടെ ഇത്തരമൊരു ഓപ്പറേഷന് നടത്തിയിട്ടില്ല. കോര്പ്പറേറ്റ് ആശുപത്രിയിലെ ഡോ. ജതീന്ദര് സിംഗ് പറഞ്ഞു.
സാമൂഹ്യപ്രശ്നങ്ങള് ഉണ്ടാകുമെന്നതിനാല് പോലീസുകാരന്റെ പേര് വെളിപ്പെടുത്തിയിട്ടില്ല. ഇയാള് അപകടനില തരണം ചെയ്തിട്ടുണ്ട്.
