12 ദിവസം പിന്നിട്ട റിയോ ഒളിമ്പിക്സില് ഇന്ത്യന് താരം സാക്ഷി മാലിക് ഗുസ്തിയില് വെങ്കലം നേടി. മെഡലൊന്നും ലഭിക്കാതെ ഇന്ത്യന് ടീമിന് മടങ്ങേണ്ടിവരുമെന്ന് കരുതിയിരുന്നപ്പോഴാണ് സാക്ഷി എന്ന പെണ്സിംഹം 130 കോടി ജനങ്ങളുടെ അഭിമാനം കാത്തത്.
24 കോടി രൂപയാണ് കശ്മീരില് കലാപമുണ്ടാക്കാന് പാക്കിസ്ഥാനില്നിന്ന് വന്നതെന്ന് എന്ഐഎ. കശ്മീരില് ബുര്ഹാന് വാനി എന്ന ഭീകരന് സൈന്യവുമായുള്ള ഏറ്റുമുട്ടലില് കൊല്ലപ്പെട്ടതിനെത്തുടര്ന്നാണ് പാക്കിസ്ഥാന് പണമൊഴുക്കിയത്.
42 കോടി രൂപ അനുവദിച്ചെങ്കിലും കാലടി ശ്രീശങ്കര പാലത്തിന്റെ പണി ആരംഭിച്ചില്ല. മന്ത്രി ജി. സുധാകരനുമായി നടത്തിയ ഇതു സംബന്ധിച്ച ചര്ച്ച പ്രഹസനമായി. നിലവിലെ പാലത്തിനു സമാന്തരമായി പാലം പണിയാമെന്നിരിക്കെ ഗതിമാറ്റി പാലം പണിയാനാണ് നീക്കം.
52 സ്വര്ണബിസ്കറ്റായി കടത്താന് ശ്രമിച്ച രണ്ട് കോടിയുടെ സ്വര്ണം കരിപ്പൂര് വിമാനത്താവളത്തില് പിടികൂടി. ബഹ്റിനില്നിന്നുവന്ന കോഴിക്കോട്ട് സ്വദേശി തസ്ലീമിനെയാണ് കമ്പ്യൂട്ടറിന്റെ യുപിഎസിനകത്ത് ബാറ്ററിയുടെ രൂപത്തില് ഒളിപ്പിച്ച സ്വര്ണവുമായി പിടികൂടിയത്.
60 ഭീകരര് പാക്കധീനകശ്മീരില്നിന്ന് കശ്മീരിലേക്ക് നുഴഞ്ഞുകയറിയതായി രഹസ്യാന്വേഷണ ഏജന്സികള് മുന്നറിയിപ്പ് നല്കി. കശ്മീരിലെ സംഘര്ഷത്തിന്റെ മറവിലാണിത്. ഈ സായുധ ഭീകരര് കശ്മീര് താഴ്വരയുടെ പലയിടങ്ങളിലായാണുള്ളത്.
