കണ്ണൂര്: ഉത്പ്പന്നങ്ങളും സേവനങ്ങളും വാങ്ങുമ്പോഴും ഉപയോഗിക്കുമ്പോഴും വ്യവസ്ഥാപിതമായ ലംഘനങ്ങളുണ്ടായാല് ഉപഭോക്താക്കള് പ്രതികരിക്കുമ്പോള് മാത്രമേ സമൂഹത്തില് നീതി ലഭിക്കുകയുള്ളൂ എന്ന് കേരള സംസ്ഥാന മദ്യനിരോധന സമിതി പ്രസിഡണ്ട് ഫാദര് തോമസ് തൈത്തോട്ടം പറഞ്ഞു. കണ്ണൂര് വീറ്റ് ഹൗസ് ഓഡിറ്റോറിയത്തില് നടന്ന കേരള സംസ്ഥാന ഉപഭോക്തൃസമിതി കണ്ണൂര് ജില്ലാ സമ്മേളമവും സ്വാതന്ത്ര്യദിനാഘോഷവും ഉദ്ഘടനം ചെയ്ത് സംസാരിക്കുകയായിരുന്നു അദ്ദേഹം. പ്രതിഫലം നല്കി അനുഭവിക്കേണ്ടി വരുന്ന ഏതൊരു ഇടപാടിലും ഉപഭോക്താവിന് രാജാവിന്റെ സ്ഥാനമാണുള്ളതെന്നും ഫാദര് തൈത്തോട്ടം പറഞ്ഞു.
മായന് വേങ്ങാട് അധ്യക്ഷത വഹിച്ചു. ഫാദര് സ്കറിയ കല്ലൂര് സ്വാതന്ത്ര്യദിന സന്ദേശം നല്കി. കവിയൂര് രാഘവന്, സൗമി മട്ടന്നൂര്, എ.ഡി.സാബൂസ് ലത്തീഫ് മാമ്മൂട്, അബ്ദുള് അസീസ്, ദിനു മൊട്ടമ്മല്, ജമാല് സിറ്റി, ചന്ദ്രന് മന്ന തുടങ്ങിയവര് സംസാരിച്ചു. ചടങ്ങില് കവിയൂര് രാഘവന് സരസ്വതി പുരസ്കാരവും ആര്ട്ടിസ്റ്റ് ശശികലക്ക് ചിത്രാഞ്ജലി പുരസ്കാരവും നല്കി ആദരിച്ചു. തുടര്ന്ന് ദേശഭക്തിഗാനമത്സരവും ഗാനസന്ധ്യും അരങ്ങേറി.
