പമ്പയിലെ തൊഴില്ത്തര്ക്കം തല്ക്കാലം പരിഹരിച്ചു. ഇനി പൂജാസാമഗ്രികളുടെ കയറ്റിറക്കു സംബന്ധിച്ച് തീരുമാനം എടുക്കാനുണ്ടത്രെ. കൂട്ടത്തില് ഒരു വിഷയത്തിലുംകൂടി തീരുമാനമെടുക്കാന് മറക്കരുത്.
ശബരിമലയിലെ ആറാട്ടിന് ശാസ്താവിന്റെ തിടമ്പ് പമ്പയിലേക്ക് എടുക്കുന്നതും ചുമക്കുന്നതും കയറ്റുന്നതും ഇറക്കുന്നതും സംബന്ധിച്ച കാര്യമാണിത്. ഒന്നുമില്ലെങ്കില് നോക്കുകൂലിയുടെ കാര്യത്തിലെങ്കിലും തീരുമാനം ഉണ്ടാകണം!
ടി.സംഗമേശന്,
കല്ലേറ്റുങ്കര
ശത്രുമിത്രഭേദം
എല്ലാം നല്ലതിനാണ്. ആര്. ബാലകൃഷ്ണപിള്ളക്ക് ശത്രുവിനെയും മിത്രത്തെയും തിരിച്ചറിയാന് പറ്റി. മദനിയെ മോചിപ്പിക്കാന് വേണ്ടി പിഡിപി നടത്തിയ സെക്രട്ടറിയേറ്റ് മാര്ച്ച് ഉദ്ഘാടനം ചെയ്തത് പിള്ള. പിള്ളയുടെ പ്രസ്താവനക്കെതിരെ പ്രക്ഷോഭം നടത്തിയത് അതേ പിഡിപി. പക്ഷേ, പിള്ള ചോദിച്ച ചില പ്രസക്തമായ വിഷയങ്ങള് ഈ ബഹളത്തില് മുങ്ങിപ്പോയി.
ഞായറാഴ്ചകളില് ക്രിസ്ത്യന്പള്ളികളിലും വെള്ളിയാഴ്ച മുസ്ലിംപള്ളികളിലും നടത്തുന്ന പ്രസംഗങ്ങളില് ഇഷ്ടംപോലെ അന്യമത (ഹിന്ദു) വിരോധം തുപ്പുന്നു. ഒരു കേസുമില്ല. ഡിവൈഎസ്പി ഓഫീസ് പിക്കറ്റിങ്ങുമില്ല.
ദളിത് ക്രൈസ്തവര് എന്ന പേരില് ചിലര് കൊട്ടാരക്കര ഗണപതിക്ഷേത്ര ആല്ത്തറമുട്ടിനുസമീപം പ്രസംഗിക്കുന്നു. അമ്പലത്തിനുനേരെ ചൂണ്ടി ആക്ഷേപങ്ങള് ഉരുട്ടിയെറിയുന്നു. ഹിന്ദു ദൈവങ്ങളെ പിശാച് എന്ന് വിളിക്കുന്നു. (തൊട്ടു എതിര്വശം പോലീസ്സ്റ്റേഷനാണ്.) ഒരു കേസും ഉണ്ടായില്ല. പിഡിപിയുടെ പ്രതിഷേധജാഥയുടെ മുന്പില് ജീപ്പിനകത്ത് ഇരുന്നത് കേരള കോണ്ഗ്രസ് ബി ജില്ലാ ഭാരവാഹി ഷാജു ആണ്. ഷാജുവിന് വലുത് സ്വന്തം മതമാണ്. പിള്ളയല്ല.
പ്രമോദ്,
പുനലൂര്
കിര്ക്കെഗാദിനെ
അറിഞ്ഞു
കിര്ക്കെഗാദ് എന്ന പേര് കേള്ക്കാന് തുടങ്ങിയിട്ട് കാലമേറെയായി. എന്നാല് അസ്തിത്വവാദത്തിന്റെ വക്താവായി ആധുനികരും ഉത്തരാധുനികരുമൊക്കെ ചിത്രീകരിച്ച ഈ തത്വചിന്തകന് യഥാര്ത്ഥത്തില് ആരെന്ന് വിശദീകരിക്കുന്നതായിരുന്നു രാമചന്ദ്രന്റെ ‘പിതാവും പുത്രനും’ (കാലപ്രമാണം-09.08.2016). ‘കിര്ക്കെഗാര്’ എന്ന് തെറ്റായി ഉച്ചരിച്ചിരുന്നയാളുടെ യഥാര്ത്ഥപേര് സോറന് ആബ്യെ കീര്ക്കെഗാദ് എന്നാണെന്ന് പലരും അറിയുന്നത് ഇപ്പോഴാണ്.
സി.എസ്.മോഹനന്,
ചേര്ത്തല
