തിരുവനന്തപുരം: നഗരസഭയുടെ നേതൃത്വത്തില് തീരദേശ വികസന കോര്പ്പറേഷന്റെ സാമ്പത്തിക സഹായത്തോടെ നവീകരിച്ച കഴക്കൂട്ടം പബഌക് മാര്ക്കറ്റിന്റെ പ്രവര്ത്തനോദ്ഘാടനം മേയര് അഡ്വ. വി.കെ. പ്രശാന്ത് നിര്വ്വഹിച്ചു. നവീകരിച്ച മാര്ക്കറ്റ് കെട്ടിടത്തില് ഇറ്റിപി പ്ലാന്റും മറ്റ് അനുബന്ധ സൗകര്യങ്ങളും ഒരുക്കിയാണ് പ്രവര്ത്തനം ആരംഭിച്ചിട്ടുള്ളത്. മാര്ക്കറ്റിലെ സ്ഥലപരിമിതി പരിഹരിക്കുതിന് മാര്ക്കറ്റ് കോമ്പൗണ്ടില് പുതിയ ഷെഡ് നിര്മ്മിക്കുന്നതിനും ശൗചാലയം, ശീതീകരണ സംവിധാനം തുടങ്ങിയ സൗകര്യങ്ങള് ഏര്പ്പെടുത്തുന്നതിനുള്ള നടപടി നഗരസഭയുടെ നേതൃത്വത്തില് നടത്തുമെന്ന് മേയര് ഉദ്ഘാടന പ്രസംഗത്തില് പറഞ്ഞു. കഴക്കൂട്ടം പബഌക് മാര്ക്കറ്റിന്റെ പ്രവര്ത്തനം കാര്യക്ഷമമാക്കി നിര്വ്വഹിക്കുതിനായി കച്ചവടക്കാരുടെ പ്രതിനിധികളുമായി ചര്ച്ച ചെയ്ത് മാര്ക്കറ്റ് വികസനസമിതി രൂപീകരിച്ചിട്ടുണ്ട്. മാര്ക്കറ്റിന് മുന്നിലെ പിഡബഌയ്യുഡി ഓടയും നവീകരിച്ചു.
ഡെപ്യൂട്ടി മേയര് അഡ്വ. രാഖിരവികുമാര് അദ്ധ്യക്ഷത വഹിച്ച പരിപാടിയില് നഗരസഭാ സെക്രട്ടറി എം. നിസാറുദ്ദീന്, തീരദേശ വികസന കോര്പ്പറേഷന് ചീഫ് എഞ്ചിനീയര് എം. രാജീവ് , ക്ഷേമകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ആര്. ഗീതാഗോപിനാഥ്, നഗരാസൂത്രണ സ്റ്റാന്റിംഗ് കമ്മിറ്റി ചെയര്മാന് അഡ്വ. ആര്. സതീഷ്കുമാര്, നികുതി-അപ്പീല് കാര്യ സ്റ്റാന്റിംഗ് കമ്മിറ്റി ചെയര്പേഴ്സണ് സിമി ജ്യോതിഷ്, കൗണ്സിലര്മാരായ അഡ്വ. ഗിരികുമാര്, സിന്ധുശശി, ബിന്ദു, ശിവദത്ത്, ലതാകുമാരി, ആര്. ശ്രീകുമാര് എന്നിവര് സംസാരിച്ചു.
