പാനൂര്: കേരളനിയമസഭയില് ശക്തമായ പ്രതിപക്ഷമായി ബിജെപി മാറിയെന്ന് ബിജെപി ജില്ലാപ്രസിഡണ്ട് പി.സത്യപ്രകാശ് പറഞ്ഞു. സഭക്കകത്ത് ബിജെപി ഒറ്റയാള് പോരാട്ടം നടത്തുകയാണ്. പ്രതിപക്ഷമായ യുഡിഎഫ് ശിഥിലീകരിക്കപ്പെടുകയും കോണ്ഗ്രസ് തകരുന്നതുമാണ് കാണുന്നത്. അതിവിദൂരമല്ലാത്ത ഭാവിയില് ബിജെപി സംസ്ഥാനത്ത് അധികാരത്തില് വരുമെന്നും പി.സത്യപ്രകാശ് പറഞ്ഞു. പാനൂര് വ്യാപാരഭവനില് നടന്ന ബിജെപി കൂത്തുപറമ്പ് നിയോജക മണ്ഡലം കണ്വെന്ഷന് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സി.കെ.കുഞ്ഞിക്കണ്ണന് മാസ്റ്റര് അദ്ധ്യക്ഷത വഹിച്ചു.
ഭാരവാഹികളായി സി.കെ.കുഞ്ഞിക്കണ്ണന്മാസ്റ്റര് (പ്രസിഡണ്ട്), എ.സജീവന്, രാജേന്ദ്രന്, കെ.പി.മഞ്ജുഷ, പി.സബിത (വൈസ് പ്രസിഡണ്ടുമാര്), കെ.കെ.ധനഞ്ജയന്, രാജേഷ് കൊച്ചിയങ്ങാടി(ജനറല് സെക്രട്ടറിമാര്), ആര്.വി,ശശിധരന്, ഇ.പി.ബിജു, ഒട്ടാണി പത്മനാഭന്, എം.പി.ഷീബ, കെ.സുധ (സെക്രട്ടറിമാര്), കെ.എം.അശോകന് (ട്രഷറര്) എന്നിവരെ തെരഞ്ഞെടുത്തു.
