പയ്യന്നൂര്: ഉത്തരകേരളത്തിലെ പ്രധാന ശ്രീരാമക്ഷേത്രമായ ചെറുതാഴം ശ്രീരാഘവപുരം ക്ഷേത്രത്തില് പത്താമത് രാമായണ സപ്താഹയജ്ഞം 9 മുതല് 15 വരെ നടക്കും. ഭാഗവതരത്നം എ.കെ.ബി നായരാണ് യജ്ഞാചാര്യന്. 9 ന് രാവിലെ 6.30 മുതല് സഹസ്രനാമ സമൂഹകീര്ത്തനം നടക്കും. 8.30 ന് ശ്രീകൃഷ്ണപുരം ക്ഷേത്രത്തില് നിന്ന് വാദ്യമേളങ്ങളുടെ അകമ്പടിയോടെ ആചാര്യനെ സ്വീകരിച്ച് ആനയിക്കും. 9 മണിക്ക് കേന്ദ്ര സര്വ്വകലാശാല വൈസ് ചാന്സിലര് ഡോ.ജി.ഗോപകുമാര് ഉദ്ഘാടനം ചെയ്യും. കെ.നാരായണന്കുട്ടി അധ്യക്ഷത വഹിക്കും. 12 മണിക്ക് ശ്രീരാമ-ലക്ഷ്മണ വിഗ്രഹമെഴുന്നള്ളിക്കല്, ശ്രീരാമ അവതാരപൂജ എന്നിവ നടക്കും. രാത്രി 7 മണിക്ക് ഭജന നടക്കും.
10 ന് കാലത്ത് 9.30 ന് സീതാസ്വയംവരപൂജ, രാത്രി 7 മണിക്ക് ഭജനാമൃതം എന്നിവയുമുണ്ടാകും. 11 ന് രാവിലെ 10 മണിക്ക് പാദുകപട്ടാഭിഷേകം, മൂന്നു മണിക്ക് ശബരീ ആഗമനം, എന്നിവ നടക്കും. 12 ന് കാലത്ത് 9.30 ന് ഹനുമല് വിഗ്രഹം എഴുന്നള്ളിക്കല്, 2 മണിക്ക് ഹനുമദ് സഹസ്രനാമ സമൂഹാര്ച്ചന എന്നിവയും ഉണ്ടാകും. 13 ന് 4.30 ന് ഗരുഡാഗമനം, ഗരുഡപഞ്ചാക്ഷരി മന്ത്രാര്ച്ചന, വൈകുന്നേരം 6 മണിക്ക് രാമായണം, രാത്രി 7 മണിക്ക് ട്രിപ്പിള് തായമ്പക, 14 ന് വൈകുന്നേരം 6 മണിക്ക് പ്രശ്നോത്തരി, രാത്രി 7 മണിക്ക് നാട്യഭജന് ഭരതനാട്യ ആവിഷ്കാരം എന്നിവ നടക്കും. 15 ന് രാവിലെ തന്ത്രി കരുമാരത്തില്ലത്ത് പരമേശ്വരന് നമ്പൂതിരിപ്പാടിന്റെ കാര്മ്മികത്വത്തില് മഹാഗണപതിഹോമം, സഹസ്രനാമകീര്ത്തനം, ഭജന, 10 മണിക്ക് പട്ടാഭിഷേക ഘോഷയാത്ര എന്നിവ നടക്കും. 11 മണിക്ക് ശ്രീരാമപട്ടാഭിഷേകം, 1 മണിക്ക് പട്ടാഭിഷേക സദ്യ എന്നിവയുമുണ്ടാകും.
