കൊച്ചി: ആറാമത് അഖില ഭാരത ശ്രീമദ് രാമായണ സത്രം ആലുവ പടിഞ്ഞാറെ കടുങ്ങല്ലൂര് കുന്നില് ശ്രീധര്മ്മ ശാസ്ത്രാ ക്ഷേത്രത്തില് ഒമ്പത് മുതല് 14 വരെ. രാമായണ സത്രസമിതിയുടെ ആഭിമുഖ്യത്തിലാണ് സത്രം. സത്രാചാര്യന് മുബൈ ചന്ദ്രശേഖര ശര്മ്മ. രാവിലെ 10.15ന് കോയമ്പത്തൂര് ആര്യവൈദ്യ ഫാര്മസി മാനേജിംഗ് ഡയറക്ടര് പി.കെ. കൃഷ്ണകുമാര് സത്രസമാരംഭ സഭ ഉദ്ഘാടനം ചെയ്യും. സ്വാമി അയ്യപ്പദാസ് അദ്ധ്യക്ഷതവഹിക്കുമെന്ന് സംഘാടകര് വാര്ത്താ സമ്മേളനത്തില് പറഞ്ഞു. സത്രസമിതി ഏര്പ്പെടുത്തിയ മാനവരത്ന പുരസ്കാരം ഒ. രാജഗോപാല് എംഎല്എയ്ക്ക് മുല്ലപ്പള്ളി കൃഷ്ണന് നമ്പൂതിരിപ്പാട് സമ്മാനിക്കും. അക്കീരമണ് കാളിദാസ ഭട്ടതിരിപ്പാട് അനുഗ്രഹ പ്രഭാഷണം നടത്തും. നിര്ദ്ധന രോഗികള്ക്കുള്ള ചികിത്സാ സഹായം ക്ഷേത്രസമിതി സംസ്ഥാന ജനറല് സെക്രട്ടറി കെ.എസ്. നാരായണന് വിതരണം ചെയ്യും. വൈകിട്ട് ആറിന് ശ്രീരാമ വിഗ്രഹ പ്രതിഷ്ഠ. പത്തിന് ഡോ.പി.വി. വിശ്വനാഥന് നമ്പൂതിരി, പി.കെ. വ്യാസന് അമനക്കര, അനില് പറമാട്ട്, നല്ലേപ്പിള്ളി സന്മയാനന്ദ സ്വാമികള് എന്നിവര് പ്രഭാഷണം നടത്തും. 11 ന് അഡ്വ. ടി.ആര്. രാമനാഥന്, മുംബൈ ചന്ദ്രശേഖര വര്മ്മ. വിശ്വേശ്വരി രഘുനാഥ്, സ്വാമി പൂര്ണ്ണാനന്ദ പുരി എന്നിവരും, 12ന് ഒറവങ്കര അച്യുതന് നമ്പൂതിരി, മാടശേരി നീലകണ്ഠന് നമ്പൂതിരി, പ്രൊഫ. ടി.വി. രമ എന്നിവരും പ്രഭാഷണം നടത്തും. 13ന് മിഥുനപ്പള്ളി വാസുദേവന് നമ്പൂതിരി, പൈതൃക രത്നം ഉണ്ണികൃഷ്ണന് നമ്പൂതിരി, എസ്.ജെ.ആര്. കുമാര്, സ്വാമി അയ്യപ്പദാസ് എന്നിവര് സംസാരിക്കും. 14ന് ശ്രീരാമ പട്ടാഭിഷേകം, തുടര്ന്ന് സത്രസമര്പ്പണം. സത്രസമാപന സമ്മേളനം തിരുവിതാംകൂര് ദേവസ്വം ബോര്ഡ് പ്രസിഡന്റ് പ്രയാര് ഗോപാലകൃഷ്ണന് ഉദ്ഘാടനം ചെയ്യും. ഹിന്ദു ഐക്യവേദി സംസ്ഥാന പ്രസിഡന്റ് കെ.പി. ശശികല ടീച്ചര് മുഖ്യപ്രഭാഷണം നടത്തും. പത്രസമ്മേളനത്തില് സ്വാഗതസംഘം ചെയര്മാന് വി. ഗോപകുമാര്, ക്ഷേത്രസംരക്ഷണ സമിതി ജില്ലാ സെക്രട്ടറി എം.സി. ഉണ്ണികൃഷ്ണന് എന്നിവര് പങ്കെടുത്തു.
രാമായണ സത്രം 9ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.