ഹരിപ്പാട്: പ്രാര്ത്ഥനയിലൂടെ രോഗശാന്തി കൈവരിക്കാമെന്ന് വിശ്വസിപ്പിച്ച് വീട്ടില് കയറി മോഷണം നടത്തിവന്ന യൂവതിയെ വീയപുരം പോലീസ് അറസ്റ്റ് ചെയ്തു. ഹരിപ്പാട്ട് വാടകയ്ക്ക് താമസിച്ചിരുന്ന അടൂര് പഴകുളം സ്വദേശി മീനു (39) ആണ് പോലീസ് പിടിയിലായത്.
ചെറുതന കൊല്ലശ്ശേരില് വീട്ടില് അനില്കുമാറിന്റെ രണ്ടര പവന്റെ മോതിരം മോഷ്ടിച്ച കേസ്സിലാണ് പ്രതിയെ പിടികൂടിയത്. അനില്കുമാര്-അംബിക ദമ്പതികളുടെ മകന്റെ രോഗം മാറ്റിക്കൊടുക്കാമെന്നും സ്വര്ഗീയ വിരുന്നില് പങ്കെടുക്കണമെന്നും പറഞ്ഞ് കഴിഞ്ഞ ജൂലൈ 21ന് വീട്ടിലെത്തിയാണ് മോഷണം നടത്തിയത്.
വീട്ടുകാരുമായി സൗഹൃദത്തിലായ യുവതി വീട്ടുകാരുടെ കണ്ണുവെട്ടിച്ചാണ് സ്വര്ണ്ണവുമായി കടന്നത്. പ്രതി ഇതിന് മുമ്പും ഇതേ രീതിയിലുള്ള തട്ടിപ്പുകള് നടത്തിയതായി പോലീസ് പറഞ്ഞു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
