റോം: ഭീകരാക്രമണത്തിന് പദ്ധതിയിട്ട പാക് യുവാവിനെ ഇറ്റലി പുറത്താക്കി, അന്വേഷണം മുറുകിയപ്പോള് ഞെട്ടിക്കുന്ന മറ്റൊരു വിവരം പുറത്തു വന്നു, ഇയാള് ഇറ്റാലിയന് യൂത്ത് ക്രിക്കറ്റ് ടീമിന്റെ ക്യാപ്ടനാണ്. സംഭവം ഇറ്റലിയെ ഞെട്ടിച്ചിരിക്കുകയാണ്.
വടക്കന് ഇറ്റലിയില് ആക്രമണത്തിന് പദ്ധതിയിട്ട അഫ്താബ് ഫറൂഖിനെയാണ് ഇറ്റലി കഴിഞ്ഞ ദിവസം പുറത്താക്കിയത്. ഇയാള് ഐഎസ് അനുഭാവിയാണെന്നും അന്വേഷണ ഏജന്സി കണ്ടെത്തി.
യൂറോപ്പുകാരെ ഭയപ്പെടുത്താന്, മിലാനിലെ തെരക്കേറിയ വീഞ്ഞുകടയോ വടക്കന് ഇറ്റലിയിലെ ബെര്ഗാമോയിലെ വിമാനത്താവളമോ ബോംബും കലാഷ്നിക്കോവ് തോക്കും ഉപയോഗിച്ച് ആക്രമിക്കുന്ന കാര്യം ഫോണില് സംസാരിക്കവേയാണ് ഇയാള് അറസ്റ്റിലായത്.
26 കാരനായ അഫ്താബ് സിറിയക്ക് പോകാന് പദ്ധതിയിട്ടിരുന്നതായും ആഭ്യന്തര മന്ത്രി ആന്ജലീനോ അല്ഫാനോ പറഞ്ഞു. 13വര്ഷമായി മിലാനിലെ വാപ്രിയോ ദ ആഡയില് താമസിക്കുന്ന ഇയാള് മുന്പ് അണ്ടര് 19 ക്രിക്കറ്റ് ടീമിന്റെ ക്യാപ്ടനായിരുന്നു. ഇറ്റാലിയന് ജഴ്സി അണിഞ്ഞ് ബാറ്റേന്തി നില്ക്കുന്ന ചിത്രം സ്പോര്ട്ട്സ്വീക്കില് വന്നിട്ടുമുണ്ട്. അത് ഇന്നലെ പിത്രങ്ങള് പുനപ്രസിദ്ധീകരിച്ചു.
അന്ന് ഈച്ചയെപ്പോലും നോവിക്കാത്ത പയ്യന്
റോം: ഇത് വിശ്വസിക്കാന് കഴിയുന്നില്ലെന്നായിരുന്നു മിലാന് ക്രിക്കറ്റ് ക്ലബ് പ്രസിഡന്റ് ഫാബിയോ മര്ബാനിയുടെ പ്രതികരണം.
അന്ന് ഈച്ചയെ പോലും നോവിക്കത്തെ പയ്യനായിരുന്നു ഫറൂഖ്. സ്പോര്ട്സ് ഉപകരണങ്ങളുടെ വിലപ്പനക്കാരായ ഡെക്കാത്തലണില് ഇയാള് ജോലി ചെയ്തിരുന്നു. ഒഴിവു സമയത്ത് വികലാംഗരെ സഹായിക്കാന് അവരുടെ ബസ് ഡ്രൈവറായും ജോലി ചെയ്തു. വിശ്വസിക്കാന് കൊള്ളാവുന്നയാളായതിനാലാണ് അവനെ ക്രിക്കറ്റ് ക്യാപ്ടനാക്കിയതും. മര്ബാനി പറഞ്ഞു.കഴിഞ്ഞ അല്പ്പകാലം കൊണ്ട് അവന് മാറി. ഭാര്യയെ മര്ദ്ദിക്കാനാരംഭിച്ചു, അവര് ബുര്ഖ ധരിക്കണമെന്ന് നിര്ബന്ധിച്ചുതുടങ്ങി. ഇറ്റാലിയന് മാധ്യമങ്ങള് റിപ്പോര്ട്ട് ചെയ്യുന്നു. പാക്കിസ്ഥാനിയായ ഭാര്യയെക്കൊണ്ട് ഐഎസിന് കൂറ് പ്രഖ്യാപിക്കാന് ഇയാള് നിര്ബന്ധിച്ചിരുന്നു.
ഐഎസിനോട് കൂറ് പ്രഖ്യാപിച്ചുള്ള വീഡിയോ ഇയാള് ഇന്റര്നെറ്റില് ഇട്ടിരുന്നു.ഇയാള് ഐഎസിനു വേണ്ടി സാമൂഹ്യമാധ്യമങ്ങളില് വലിയ പ്രചാരണവും നടത്തിയിരുന്നു. ആയുധം എവിടെക്കിട്ടുമെന്ന് എനിക്കറിയാം, ഞാന് ആക്രമണം നടത്താം, ഓരോരുത്തരെയും കൊല്ലാം എന്ന് ഇയാള് ഫോണില് പറയുന്നത് അന്വേഷണ ഉദ്യോഗസ്ഥര് പിടിച്ചെടുത്തിട്ടുണ്ട്.
ഇയാളുടെ വീട്ടില് നിന്ന് ഐഎസിന്റെ പ്രചരണോപാധികളും പോലീസ് കണ്ടെടുത്തു.
സിറിയിയില് പോകാനും ജിഹാദില് ഏര്പ്പെടാനും യൂറോപ്പില് ആക്രമണം അഴിച്ചുവിടാനും ഇയാള്ക്ക് താല്പ്പര്യമുണ്ടായിരുന്നതായി സൃഹൃത്തുക്കളും പറയുന്നു. മനംമാറി തീവ്രവാദിയായിട്ട് ഒരു വര്ഷമ ആയുള്ളുവെന്നും ഇവര് പറയുന്നു.
