അമ്പലപ്പുഴ: പുന്നപ്രയിലുണ്ടായ കടല്ക്ഷോഭത്തില് വള്ളവും വലയും ഉള്പ്പെടെയുള്ള മത്സ്യബന്ധന ഉപകരണങ്ങള്ക്ക് നഷ്ടം സംഭവിച്ച മത്സ്യത്തൊഴിലാളികള്ക്ക് അടിയന്തരമായി നഷ്ടപരിഹാരം നല്കണമെന്ന് ബിജെപി അമ്പലപ്പുഴ മണ്ഡലം കമ്മറ്റി ആവശ്യപ്പെട്ടു. മത്സ്യബന്ധനത്തിനുള്ള 27 വള്ളങ്ങളാണ് ശക്തമായ തിരയില്പ്പെട്ട് തകര്ന്നത്. കോടികളുടെ നഷ്ടമാണ് ഇതുമൂലം ഉണ്ടായിരിക്കുന്നത്.
സര്ക്കാരിന്റെ ചുവപ്പുനാടയില് കുരുക്കാതെ നഷ്ടപരിഹാരം ഉടനെത്തിക്കാന് തയ്യാറാകണമെന്ന് ബിജെപി ജില്ലാ വൈസ് പ്രസിഡന്റ് കൊട്ടാരം ഉണ്ണികൃഷ്ണന്, ജില്ലാ സെക്രട്ടറി എല്.പി. ജയചന്ദ്രന്, നിയോജകമണ്ഡലം പ്രസിഡന്റ് വി. ശ്രീജിത്ത് എന്നിവര് സം‘വസ്ഥലം സന്ദര്ശിച്ച് ആവശ്യപ്പെട്ടു. ഭാരതീയ മത്സ്യപ്രവര്ത്തക സംഘം ജില്ലാ പ്രസിഡന്റ് ഡി. സുരേഷ്, സെക്രട്ടറി അഡ്വ. രണ്ജിത് ശ്രീനിവാസ് എന്നിവരും സ്ഥലത്തെത്തി. കടല്ക്ഷോഭം ദേശീയ ദുരന്തത്തില് ഉള്പ്പെടുത്താന് കേന്ദ്ര കൃഷിമന്ത്രിക്ക് ഫാക്സ് സന്ദേശമയച്ചതായും ബിജെപി നേതാക്കള് അറിയിച്ചു.
