പയ്യാവൂര്: പയ്യാവൂര് ഗവ.ഹൈസ്കൂളിന് ഇന്ഡോര് ഓഡിറ്റോറിയം നിര്മ്മിക്കണമെന്ന് പിടിഎ ജനറല് ബോഡി യോഗം ഗവണ് മെന്റിനോട് ആവശ്യപ്പെട്ടു. ഭൗതിക സൗകര്യങ്ങളില് പിന്നിലും പഠന നിലവാരത്തില് മുന്നിലും നില്ക്കുന്ന സ്കൂളിന് ഹയര്സെക്കണ്ടറി കോംപ്ലക്സ്, മിനി സ്റ്റേഡിയം, ചുറ്റുമതില് ഇവയൊക്കെ ഇനിയും ഉണ്ടാകേണ്ടിയിരിക്കുന്നു. ഇവയുടെയൊക്കെ നിര്മ്മാണത്തിനായി മാസ്റ്റര് പ്ലാന് നിര്മ്മിച്ച് ഗവണ് മെന്റിനു മുമ്പാകെ സമര്പ്പിക്കുവാന് യോഗം തീരുമാനിച്ചു.
വി.സി.രവീന്ദ്രന് അധ്യക്ഷത വഹിച്ചു. ഹെഡ്മാസ്റ്റര് വി.സി.വിജയന് റിപ്പോര്ട്ട് അവതരിപ്പിച്ചു. പിതിയ ഭാരവാഹികളായി വി.സി.രവീന്ദ്രനും (പ്രസിഡണ്ട്), ടി.കെ.പ്രഭാരന് (വൈസ് പ്രസിഡണ്ട്), ശൈലജ ശിവന് (മദര് പിടിഎ പ്രസിഡണ്ട്), തങ്കമണി ഇ.വി.(വൈസ് പ്രസിഡണ്ട്, എംപിടിഎ) എന്നിവരെ തെരഞ്ഞെടുത്തു. സ്കൂളിന്റെ അറുപതാം വാര്ഷികത്തോടനുബന്ധിച്ച് വിവിധ പ്രവര്ത്തനങ്ങള് നടത്താന് തീരുമാനിച്ചു. യോഗത്തില് പ്രീന്സിപ്പാള് ഇ.കുഞ്ഞികൃഷ്ണന് സ്വാഗതവും മാത്യു ടി.സഖറിയാസ് നന്ദിയും പറഞ്ഞു.
