മുഹമ്മ: മണ്ണഞ്ചേരി പഞ്ചായത്തും ആരോഗ്യ വിഭാഗവും ചേര്ന്ന് അനധികൃത ഇറച്ചിക്കടയില് നിന്നും പഴകിയ ഇറച്ചി പിടിച്ചെടുത്തു. മണ്ണഞ്ചേരി ജംഗ്ഷന് പടിഞ്ഞാറ് പുളിത്താഴയില് പ്രവര്ത്തിക്കുന്ന കടയില് നിന്നാണ് പിടിച്ചെടുത്തത്. ഇത് ഉള്പ്പെടെ മൂന്ന് അനധികൃത ഇറച്ചിക്കട അടപ്പിക്കുകയും ഏകദേശം 120 കിലോഗ്രാം ഇറച്ചി നശിപ്പിക്കുകയും ചെയ്തു. അനധികൃതമായി പ്രവര്ത്തിക്കുന്ന ഇറച്ചിക്കടകള്ക്ക് ലൈസന്സ് എടുക്കാന് പഞ്ചായത്തില് അപേക്ഷിക്കണമെന്നറിയിച്ചിരുന്നു. ഇതേ തുടര്ന്ന് 12 കടക്കാര് അപേക്ഷ നല്കി. ശേഷിക്കുന്ന കടകളിലാണ് പരിശോധന നടത്തിയത്. സ്റ്റാന്റിംഗ് കമ്മറ്റി ചെയര്മാന് എസ് നവാസ്,സെക്രട്ടറി എം ഷിബു,ഹെല്ത്ത് ഇന്സ്പെക്ടര്മാരായ കെ അനില്കുമാര്,ലാല്,മൃഗസംരക്ഷണ ഉദ്യോഗസ്ഥര്,പൊലീസ് എന്നിവരുടെ നേതൃത്വത്തിലാണ് പരിശോധന നടത്തി പഴകിയ ഇറച്ചി പിടിച്ചെടുത്തത്. ശനിയാഴ്ച കലവൂര് മാര്ക്കറ്റില് നിന്നും പുഴുവരിക്കുന്ന മത്സ്യം പിടിച്ചെടുത്ത് നശിപ്പിച്ചിരുന്നു. ഇതേ തുടര്ന്ന് ഞായറാഴ്ച പഞ്ചായത്തിന്റെ നേതൃത്വത്തില് മാര്ക്കറ്റ് വൃത്തിയാക്കി.
മണ്ണഞ്ചേരിയില് പഴകിയ ഇറച്ചി പിടിച്ചെടുത്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.