കൊല്ലം: മാധ്യമപ്രവര്ത്തകര്ക്ക് അഭിഭാഷകരില് നിന്നും ലഭിക്കുന്ന മര്ദ്ദനം യഥാര്ത്ഥത്തില് ആസ്വദിക്കുകയാണ് മുഖ്യമന്ത്രി പിണറായി വിജയനെന്നും മുന്കാലത്ത് എഴുതി വേദനിപ്പിച്ചതിന്റെ പ്രതികരണമായി വേണം മാധ്യമങ്ങള് ഇതിനെ കാണാനെന്നും പി.സി.ജോര്ജ് എംഎല്എ.
മാധ്യമങ്ങള്ക്ക് കോടതികളില് വിലക്ക് ഏര്പ്പെടുത്തിയിരിക്കുന്നത് അഴിമതിക്കേസുകളിലെ പരാമര്ശങ്ങളും നടപടികളും പൊതുജനം അറിയാതിരിക്കാനാണ്. തിരുവനന്തപുരത്തുള്ള മുഖ്യമന്ത്രി ഇരുകൂട്ടരെയും വിളിച്ചുവരുത്താതെ എറണാകുളത്ത് പോയി അഭിഭാഷകര്ക്ക് അനുകൂലമായി തര്ക്കപരിഹാരം ഉണ്ടാക്കിയത് അങ്ങേയറ്റം ലജ്ജാകരമാണെന്നും അദ്ദേഹം കൊല്ലത്ത് മീറ്റ് ദി പ്രസില് പറഞ്ഞു. മുഖ്യമന്ത്രിയുടെ സാമ്പത്തിക ഉപദേഷ്ടാവായി ഗീതാഗോപിനാഥിനെ വച്ചതില് സന്തോഷമുണ്ട്. വിശാലമായ സാമ്പത്തിക കാഴ്ചപ്പാടുള്ള വനിതയാണവര്.
ആഗോളവല്ക്കരണനയവും പറഞ്ഞിരുന്നാല് പ്രായോഗിക പാതയില് കേരളം സാമ്പത്തികമായി നശിക്കും. ഇടതുപക്ഷത്തിന്റെ സാമ്പത്തികനയം കേരളത്തെ പട്ടിണിയിലാക്കുകയെ ഉള്ളൂ. ചൈന പോലും പുതിയ സാമ്പത്തികപാതയില് പോയതുകൊണ്ടാണ് രക്ഷപ്പെട്ടുനില്ക്കുന്നത്. നല്ല രീതിയില് നടക്കുന്ന ത്രീ സ്റ്റാര് ഹോട്ടലുകള്ക്കെല്ലാം ബാര് ലൈസന്സ് നല്കണമെന്നും കേരളത്തില് ഐഎസ് ബന്ധമുള്ളവരുണ്ടെന്നത് യാഥാര്ത്ഥ്യമാണെന്നും ചോദ്യങ്ങള്ക്ക് മറുപടിയായി അദ്ദേഹം പറഞ്ഞു.
