വെള്ളമുണ്ട : വെള്ളമുണ്ട ഗവ. മോഡല് ഹൈസ്കൂളില് ഇനി മുതല് ഉച്ച ഭക്ഷണം സുഭിക്ഷം. ഹൈസ്കൂള് വിഭാഗത്തില് പഠിക്കുന്ന മുഴുവന് വിദ്യാര്ത്ഥികള്ക്കും സൗജന്യമായി ഉച്ചഭക്ഷണം നല്കാന് സ്കൂളിലം പൂര്വ്വ വിദ്യാര്ത്ഥിയും പ്രവാസിയുമായ മുച്ചിങ്ങല് ജംഷീര് എന്ന യുവാവ് സന്നദ്ധമായതോടെയാണ് പട്ടിണിയില്ലാത്ത കഌസ്സ് മുറികള് എന്ന പി ടി എ യുടെ ലക്ഷ്യം സാക്ഷാത്കാരമായത്.
ജില്ലയില് തന്നെ ഏറ്റവും അധികം വിദ്യാര്ത്ഥികള് പത്താം കഌസ്സ് പരീക്ഷ എഴുതുന്നതും കൂടുതല് പട്ടിക ജാതി പട്ടിക വര്ഗ്ഗ വിദ്യാര്ത്ഥികള് പഠിക്കുന്നതുമായ വിദ്യാലയമാണ് വെള്ളമുണ്ടയിലേത്. ഈ വര്ഷം 8,9,10 കഌസ്സുകളിലായി 1130 കുട്ടികളാണ് വിദ്യാലയത്തിലുള്ളത്. ഇതില് 275 പേര് ആദിവാസി വിഭാഗത്തില് നിന്നുള്ളവരാണ്.വിദ്യാര്ത്ഥികളില് കുറെയധികം പേര് വീടുകളില് നിന്നും പലകാരണങ്ങളാല് ഉച്ച ഭക്ഷണം കൊണ്ടുവരാന് കഴിയാത്തവരാണെന്ന് പി ടി എ കണ്ടെത്തിയിരുന്നു. ഇതേ തുടര്ന്നായിരുന്നു സ്കൂളിലെ മുഴുവന് കുട്ടികള്ക്കും സൗജന്യമായി ഉച്ചഭക്ഷണം നല്കുന്നതിനായുള്ള ശ്രമങ്ങള് പി ടി എ യുടെ നേതൃത്വത്തില് ആരംഭിച്ചത്.സര്ക്കാര് പദ്ധതി പ്രകാരം എട്ടാം കഌസ്സ് വരെയുള്ള കുട്ടികള്ക്കാണ് സൗജന്യ ഉച്ചഭക്ഷണം നല്കുന്നത്.ഇത് പ്രകാരം 370 കുട്ടികള്ക്കാണ് സ്കൂളില് ഉച്ചഭക്ഷണം നല്കുന്നത്. ബാക്കിവരുന്ന 760 കുട്ടികള്ക്ക് ഈ അദ്ധ്യയന വര്ഷം മുഴുവന് ഉച്ചഭക്ഷണം നല്കാന് മൂന്ന് ലക്ഷത്തോളം രൂപ ചിലവ് വരുമെന്നാണ് കണക്കാക്കുന്നത്. ഈ തുകയാണ് സ്കൂളിലെ പൂര്വ്വ വിദ്യാര്ത്ഥിയും ഗള്ഫ്പ്രവാസിയുമായ മുച്ചിയില് ജംഷീര് നല്കാമെന്നേറ്റത്. വെള്ളമുണ്ട ഗ്രാമപഞ്ചായത്ത് മുന് അംഗവും എട്ടെനാലിലെ വ്യാപാരിയുമായിരുന്ന പരേതനായ അവ്വോട്ടിയുടെ മകനാണ് ഈ യുവാവ്. സ്കൂളില് വെച്ച് നടന്ന ലളിതമായ ചടങ്ങില് വെച്ച് സുഭിക്ഷം എന്ന് പേരിട്ട സൗജന്യ ഉച്ചഭക്ഷണപദ്ധതി കുട്ടികള്ക്ക് ഭക്ഷണം വിളമ്പിക്കൊണ്ട് ജംഷീര് ഉദ്ഘാടനം ചെയ്തു. പിടിഎ പ്രസിഡന്റ് ടി നാസര് അദ്ധ്യക്ഷത വഹിച്ചു. പി ടി എ ഭാരവാഹികളായ ഇസ്മായില്,ഷാജി,കൈപ്പാണി ഇബ്രാഹിം, ബാലന്, ഷാഹിന, അദ്ധ്യാപകരായ മമ്മു മാസ്റ്റര്, അനില്കുമാര്, ബിനോയ്കുമാര്, നാസര് തുടങ്ങിയവര് പ്രസംഗിച്ചു.
