കട്ടപ്പന: കട്ടപ്പനയിലെ ബേക്കറികളിലും ഹോട്ടലുകളിലും പഴകിയ ഭക്ഷണ വസ്തുക്കള്‍ വില്‍ക്കുന്നതായി പരാതി. ബസ്റ്റാന്റിലെ ഒരു ബേക്കറിയില്‍ നിന്നും ഇന്നലെ രാവിലെ വാങ്ങിയ റക്‌സ് പായ്‌ക്കറ്റില്‍ പഴകിയതും പൂപ്പല്‍ പിടിച്ചതുമായി കാണപ്പെട്ടു. റക്‌സ് പായ്‌ക്കറ്റിലെ നിര്‍മ്മാണ സ്ഥാപനത്തിന്റെയും വിലവിവര സ്റ്റിക്കറും പാതി കീറിയ നിലയിലാണ് കാണപ്പെട്ടത്. ആരോഗ്യ വകുപ്പ് അധികൃതരോട് പരാതിപ്പെട്ടിട്ടും യാതൊരു നടപടികളും സ്വീകരിക്കാന്‍ തയ്യാറായിട്ടില്ല. ഇവിടെ നിന്നും ഭക്ഷണം കഴിച്ച സ്‌കൂള്‍ കുട്ടികള്‍ക്കും മറ്റും ശാരീരിക അസ്വസ്ഥത അനുഭവപ്പെടുന്നതായി പറയപ്പെടുന്നു. ഹോട്ടലുകളില്‍ ജോലി ചെയ്യുന്നവര്‍ക്ക് ഹെല്‍ത്ത് കാര്‍ഡുകള്‍ നിര്‍ബന്ധമാക്കണമെന്നുണ്ടെങ്കിലും ഇതൊന്നും ഇവിടെ പാലിക്കാറില്ല. ഹോട്ടലുകളിലും ബേക്കറികളിലും പഴകിയ ഭക്ഷണ സാധനങ്ങള്‍ വില്‍ക്കുന്നതിനെതിരെ കര്‍ശന നടപടി സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.
പഴകിയ ഭക്ഷണ വസ്തുക്കള്‍ വില്‍ക്കുന്നതായി പരാതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.