ഹരിപ്പാട്: ആരോപണങ്ങള് ഉയര്ത്തുന്നവര് എന്റെ രോമത്തെ തൊടുകയില്ലെന്നും മൈക്രോ ഫിനാന്സ് പദ്ധതി ആരംഭിച്ചത് സമുദായംഗങ്ങള്ക്കിടയിലെ ദാരിദ്ര നിര്മ്മാര്ജ്ജനം ലക്ഷ്യമിട്ടാണെന്നും ഇതില് നൂറ് ശതമാനം വിജയിച്ചെന്നും എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് പറഞ്ഞു.
എസ്എന്ഡിപി യോഗം ചേപ്പാട് യൂണിയന്റെ നേതൃത്വത്തില് നടന്ന ഗുരുസ്തവം രചനാ ശതാബ്ദി ആഘോഷം ഉദ്ഘാടനം ചെയ്യുകയായിരുന്നു അദ്ദേഹം. ഇന്നലെകളില് യോഗത്തെയും ഗുരുദേവനെയും തള്ളിപ്പറഞ്ഞവര് രാഷ്ട്രീയ താല്പര്യങ്ങള്ക്കുവേണ്ടി ഗുരുദേവ ആദര്ശങ്ങളെ ഉയര്ത്തിപ്പിടിക്കാന് ശ്രമിക്കുകയാണെന്നും വിമര്ശനങ്ങള് പ്രവര്ത്തിക്കാനുള്ള ഊര്ജ്ജം നല്കുന്നുവെന്നും കേസുകളെ ഭയപ്പെടുന്നില്ലെന്നും അദ്ദേഹം പറഞ്ഞു.
സ്കോളര്ഷിപ്പ് വിതരണം, മൈക്രോ ഫിനാന്സ് വായ്പാ വിതരണം, ചികിത്സാധനസഹായ വിതരണം എന്നിവയുടെ ഉദ്ഘാടനവും അദ്ദേഹം നിര്വ്വഹിച്ചു. ശ്രീനാരായണ ലീലാമൃതം രണ്ടാം ഭാഗത്തിന്റെ പ്രകാശനവും വിതരണ ഉദ്ഘാടനവും പ്രീതി നടേശന് നിര്വ്വഹിച്ചു. യൂണിയന് പ്രസിഡന്റ് എസ്.സലികുമാര് അദ്ധ്യക്ഷനായി. വിശ്വപ്രകാശം എസ്.വിജയാനന്ദ് ശ്രീനാരായണ ലീലാമൃതം രണ്ടാം ഭാഗം പരിചയപ്പെടുത്തി.
യോഗം കൗണ്സിലര് പി.ടി. മന്മഥന് ഗുരുസ്തവം പഠനകഌസ് നടത്തി. എം.കെ ശ്രീനിവാസന്, ഡി.ധര്മ്മരാജ, പ്രസന്നന്, അയ്യപ്പന്, യു.ചന്ദ്രബാബു, പ്രൊഫ.ശ്രീജയ, സി.മഹിളാമണി, സുജിത്ത് കുമാര് എന്നിവര് സംസാരിച്ചു. യൂണിയന് സെക്രട്ടറി എന്.അശോകന് സ്വാഗതവും വൈസ് പ്രസി.ഡി.കാശിനാഥന് നന്ദിയും പറഞ്ഞു.
