ആലപ്പുഴ: പുന്നപ്രയില് പ്രവര്ത്തിക്കുന്ന രണ്ട് ആര്ഒ പ്ലാന്റുകളില് കുടിവെള്ളത്തിന് നിയന്ത്രണം ഏര്പ്പെടുത്തി. ഇതേതുടര്ന്ന് സാധാരണക്കാരായ ജനങ്ങള് വളരെയേറെ ബുദ്ധിമുട്ട് നേരിടുന്നു. പുന്നപ്ര വില്ലേജാഫീസ് വളപ്പില് സ്ഥിതിചെയ്യുന്ന ആര്ഒ പ്ലാന്റ്. പുന്നപ്ര കളിത്തട്ടിനു സമീപം പ്രവര്ത്തിയ്ക്കുന്ന ആര്ഒ പ്ലാന്റ് എന്നിവിടങ്ങളില് നിന്നും രാവിലെ ആറു മുതല് 10 വരെയും വൈകുന്നേരം അഞ്ചു മണി മുതല് രാത്രി ഏഴു മണി വരെയുമാണ് ശുദ്ധജലം വിതരണം ചെയ്യുന്നത്. ഈ സംവിധാനം മൂലം സാധാരണക്കാരായ ജനങ്ങളാണ് വലയുന്നത്. തെരുവ് പൈപ്പുകളോ, വീട്ടീല് ശുദ്ധജല സംഭരണികളൊ ഇല്ലാത്ത കുടുബങ്ങളെയാണ് കുടിവെള്ളക്ഷാമം ഏറെയും അലട്ടുന്നത്. ഇതിനു തങ്ങള് ഉത്തരവാദികളല്ലന്നും ആലപ്പുഴ വഴിച്ചേരിയില് പ്രവര്ത്തിക്കുന്ന ജലവിഭവ വകുപ്പ് മേധാവികളുടെ ഉത്തരവ് പ്രകാരമാണ് തങ്ങള് നിയന്ത്രണം ഏര്പ്പെടുത്തിയതെന്നുമാണ് ആര്ഒ പ്ലാന്റുകളിലെ ജീവനക്കാര് പറയുന്നത്. ശുദ്ധജലം തുടര്ച്ചയായി ലഭിക്കാന് സ്ഥലം എംഎല്എ കൂടിയായ മന്ത്രി ജി. സുധാകരന് ഇടപെടണമെന്ന ആവശ്യം ശക്തമായിരിക്കുകയാണ്.
പുന്നപ്രയില് കുടിവെള്ളത്തിനും നിയന്ത്രണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.