ചേര്‍ത്തല: നഗര ഹൃദയത്തിലെ ട്രാഫിക്ക് കുട തകര്‍ന്നിട്ട് രണ്ട് വര്‍ഷം പിന്നിടുന്നു. പുതിയത് സ്ഥാപിക്കാന്‍ നടപടി ഇല്ല. വാഹനങ്ങള്‍ അപകടത്തില്‍പ്പെടുന്നത് പതിവാകുന്നു.
ആലപ്പുഴ, എറണാകുളം, കോട്ടയം ഭാഗങ്ങളിലേക്കും കെഎസ്ആര്‍ടിസി ബസ്സ്റ്റാന്‍ഡിലേക്കും വാഹനങ്ങള്‍ തിരിയുന്ന ഇവിടെ നേരത്തെ റോഡിന് നടുവില്‍ ട്രാഫിക്ക് കുട ഉണ്ടായിരുന്നു. പോലീസ് ഇവിടെ വാഹനങ്ങള്‍ നിയന്ത്രിച്ചിരൂന്നു. രണ്ട് വര്‍ഷം മുന്‍പ് വാഹനങ്ങള്‍ ഇടിച്ച് കുട തകര്‍ന്നു. ഇതിന്റെ അവശിഷ്ടങ്ങള്‍ പോലും ഇവിടെ നിന്ന് നീക്കി. പുതിയത് സ്ഥാപിക്കുവാന്‍ ഇതുവരെ അധികൃതര്‍ നടപടി സ്വികരിച്ചില്ല.
ട്രാഫിക്ക് കുട നിന്നിരുന്ന സ്ഥലത്ത് ഹൈമാസ്റ്റ് ലൈറ്റ് സ്ഥാപിക്കുകയും ചുറ്റിനും ഒരു ബാങ്ക് സ്ഥാപിച്ച് പരസ്യബോര്‍ഡുകള്‍ വച്ച് റോഡ് തിരിച്ച് വാഹനങ്ങള്‍ കടത്തി വിടുകയാണ് ചെയ്യുന്നത്.
ഇതിനിടയില്‍ എല്ലാ സ്ഥലത്ത് നിന്നും എത്തുന്ന വാഹനങ്ങള്‍ നിയന്ത്രണമില്ലാതെ എത്തി അപകടത്തില്‍പ്പെടുന്നത്. സ്ഥലങ്ങള്‍ തിരിച്ച് വലിയ ദിശാബോര്‍ഡ് ഇല്ലാത്തതും അപകട സാദ്ധ്യത വര്‍ദ്ധിപ്പിക്കുകയാണ്.
