ഇരിട്ടി: വിദ്യാര്ഥികള് പഠിച്ചതുകൊണ്ടോ തങ്ങളുടെ പഠനനിലവാരം ഉയര്ത്തിയത് കൊണ്ടോ മാത്രം കാര്യമില്ലെന്നും അവര് സമൂഹത്തോട് പ്രതിബദ്ധതയുള്ളവര്കൂടിയാവണന്നെും എസ്എന്ഡിപി യോഗം വൈസ് പ്രസിഡന്റ് തുഷാര് വെള്ളാപ്പള്ളി പറഞ്ഞു. ഇരിട്ടി എസ്എന്ഡിപി യൂണിയന് സംഘടിപ്പിച്ച വിജയോത്സവം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. രാഷ്ട്രത്തെ പുരോഗതിയിലേക്കും വികസനത്തിലേക്കും നയിക്കണമെങ്കില് സമൂഹത്തില് നല്ല വ്യക്തികള് വളര്ന്നു വരണം. കരുത്തുള്ള ഒരു ജനാധിപത്യ വ്യവസ്ഥ സൃഷ്ടിക്കാന് നല്ല വ്യക്തികളുള്ള സമൂഹത്തിന് മാത്രമേ സാധിക്കൂ. തുഷാര് വെള്ളാപ്പള്ളി പറഞ്ഞു.
ചടങ്ങില് ഇരിട്ടി യൂണിയന് പ്രസിഡന്റ് കെ.വി.അജി അദ്ധ്യക്ഷത വഹിച്ചു. എസ്എന്ഡിപി യോഗം ദേവസ്വം സെക്രട്ടറി അരയാക്കണ്ടി സന്തോഷ് മുഖ്യഭാഷണം നടത്തി. കേരളാ പുലയര് മഹാസഭാ ജനറല് സിക്രട്ടറി ടി.വി.ബാബു മുഖ്യാതിഥിയായിരുന്നു. കെ.കെ.ധനേന്ദ്രന്, കെ.ജി.യശോധരന്, വ്യാപാരി വ്യവസായി ഏകോപന സമിതി സെക്രട്ടറി മുസ്തഫ ഹാജി, എ.എന്.സുകുമാരന്, പി.കെ.രാമന്, പി.ജി.രാമകൃഷ്ണന്, എം.സി.വിശ്വനാഥന്, പി.ആര്.ലാല്, രാജന് കണ്ണംകരി, നിര്മ്മലാ അനിരുദ്ധന്, ഓമനാ വിശ്വംഭരന്, ചന്ദ്രമതി ടീച്ചര്, രാധാമണി ഗോപി, യുവരണി ജോയി, അമൃത മോഹന്, ടി.സജീര്, ശുഭ ബാലന്, ഗ്രാമീണ് ബാങ്ക് അസി. മാനേജര് കെ.പ്രതീപന്, എന്നിവര് പ്രസംഗിച്ചു. യൂണിയന് സെക്രട്ടറി പി.എന്.ബാബു സ്വാഗതവും വൈസ് പ്രസിഡന്റ് കെ.കെ.സോമന് നന്ദിയും പറഞ്ഞു.
എല്ലാ വിഷയങ്ങളിലും എപ്ലസ് നേടിയ 73 വിദ്യാര്ഥികളെ ചടങ്ങില് അനുമോദിച്ചു. എംബിബിഎസ്, ബിടെക്, ബിഎച്ച്എംഎസ് തുടങ്ങിയ ബിരുദങ്ങളില് ഉന്നത വിജയം നേടിയവരെയും ജില്ലയിലെ എന്എസ്എസ് ബെസ്റ്റ് വളണ്ടിയര് എന്ന നിലയില് തിരഞ്ഞെടുക്കപ്പെട്ട പാലയിലെ അര്ജ്ജുന് ദാസിനെയും ചടങ്ങില് അനുമോദിച്ചു. ഇരിട്ടിയിലെ വിവിധ സ്ഥാപനങ്ങള് നല്കിയ പഠനോപകരണങ്ങളും വിദ്യാര്ഥികള്ക്ക് വിതരണം ചെയ്തു.
