തൊടുപുഴ: തൊടുപുഴ നഗരസഭയുടെ പരിധിയില് മുനിസിപ്പല് ചട്ടങ്ങള് കാറ്റില് പറത്തി നിര്മ്മിച്ച 30 കെട്ടിടങ്ങള്ക്ക് നഗരസഭ ഉദ്യോഗസ്ഥര് ഇതുവരെ നോട്ടീസ് നല്കി. പതിനഞ്ച് ദിവസത്തിനകം അനധികൃത നിര്മ്മാണങ്ങള് ക്രമവല്ക്കരിച്ച് ഫൈന് അടയ്ക്കണമെന്നാണ് നിര്ദ്ദേശം വന്നിരിക്കുന്നത്. നോട്ടീസ് നല്കിയിരിക്കുന്ന 31 പേരില് നിന്നായി 35 ലക്ഷം രൂപയാണ് നഗരസഭയ്ക്ക് ലഭിക്കേണ്ടത്. മുനിസിപ്പല് ഓഫീസിന് സമീപത്ത് രണ്ട് നില കെട്ടിടത്തിന്റെ മറവില് മൂന്ന് നിലയാണ് നിര്മ്മിച്ചിരിക്കുന്നത്. പൊതുമരാമത്ത് വകുപ്പിന്റെ റസ്റ്റ് ഹൗസിന് സമീപം പ്രവര്ത്തിക്കുന്ന തുണിക്കടയും രണ്ട് നിലയുടെ മറവില് മൂന്ന് നില നിര്്മ്മിച്ചിരിക്കുകയാണ്. ഇവിടെ ഫയര് സംവിധാനങ്ങളൊന്നുമില്ല. ലക്ഷക്കണക്കിന് രൂപയുടെ നികുതി വെട്ടിപ്പാണ് തുണിക്കടയുടെ പേരില് നടത്തിക്കൊണ്ടിരിക്കുന്നത്. മുനിസിപ്പാലിറ്റിയില് നല്കിയിരിക്കുന്ന രേഖയില് പാര്ക്കിങ് ഗ്രൗണ്ടും കാണിച്ചിട്ടില്ല. ഇടത് വലത് മുന്നണികള് കൈകോര്ത്ത് പ്രവര്ത്തിക്കുന്നതിനാലാണ് ഇത്തരത്തില് അനധികൃതമായി കെട്ടിടങ്ങള് നിര്മ്മിച്ച് നികുതി വെട്ടിപ്പിന് അവസരം ഒരുക്കിയിരിക്കുന്നതെന്നാണ് ആക്ഷേപം ഉയര്ന്നിരിക്കുന്നത്. പ്രസ് ക്ലബിന് എതിര് വശത്ത് പ്രവര്ത്തിക്കുന്ന ഒരു കെട്ടിടവും അനധികൃതമായാണ് നിര്മ്മിച്ചിരിക്കുന്നത്. ഈ കെട്ടിടത്തെക്കുറിച്ച് അന്വേഷിക്കാനെത്തിയ ഉദ്യോഗസ്ഥരോട് കെട്ടിടം ഉടമ ഭീഷണി മുഴക്കുകയും ചെയ്തു. അനധികൃത നിര്മ്മാണ പ്രവര്ത്തനങ്ങള് കണ്ടെത്തി നികുതി വെട്ടിപ്പ് പിടികൂടുന്നതിനെതിരാണ് തൊടുപുഴ നഗരസഭയിലെ ഇടതുപക്ഷം. മുഖം നോക്കാതെ നടപടിയെടുക്കുന്ന ഉദ്യോഗസ്ഥര്ക്കെതിരെ അഴിമതിയാരോപണം ഉന്നയിച്ച് ഇളിഭ്യരായിരിക്കുകയാണ് ഇടതുപക്ഷം.
തൊടുപുഴയില് 30 കെട്ടിടങ്ങള്ക്ക് നോട്ടീസ് നല്കി നികുതിയിനത്തില് വെട്ടിച്ചത് 35 ലക്ഷം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.