തൃശൂര്: സെപ്തംബര് രണ്ടിലെ പണിമുടക്കിന്റെ മുന്നോടിയായി ബിഎംഎസ് ഇന്ന് പ്രതിഷേധദിനം ആചരിക്കും. ഇതിന്റെ ഭാഗമായി ബിഎംഎസ് ജില്ലാകമ്മിറ്റിയുടെ നേതൃത്വത്തില് രാവിലെ 10ന് സ്പീഡ് പോസ്റ്റോഫീസിലേക്ക് പ്രതിഷേധമാര്ച്ചും ധര്ണയും നടത്തും. ദേശീയ സെക്രട്ടറി എന്.എം.സുകുമാരന് ഉദ്ഘാടനം ചെയ്യും. മന്ത്രിസഭ ഉപസമിതി ട്രേഡ് യൂണിയനുകള്ക്ക് രേഖാമൂലം നല്കിയ ഉറപ്പുകള് നടപ്പിലാക്കിയിട്ടില്ല. പൊതുമേഖല സ്ഥാപനങ്ങളുടെ ഓഹരി വിറ്റഴിക്കല് ത്വരിതപ്പെടുത്തണമെന്ന നീതി ആയോഗിന്റെ തീരുമാനം അംഗീകരിക്കാന് സാധിക്കില്ല. ഓഹരി വില്പനയിലൂടെയുള്ള സ്വകാര്യ വത്കരണത്തെ ബിഎംഎസ് എതിര്ക്കുന്നുണ്ട്. കരാര് സമ്പ്രദായം അവസാനിപ്പിക്കുക, കരാര് തൊഴിലാളികെ സ്ഥിരപ്പെടുത്തുക, മിനിമം വേതനം 15000 രൂപയാക്കുക, തുല്യജോലിക്ക് തുല്യവേതനം നടപ്പാക്കുക, മുഴുവന് തൊഴിലാളികളെയും ഏതെങ്കിലും ഒരു സാമൂഹ്യസുരക്ഷാ പദ്ധതിയില് ഉള്പ്പെടുത്തുക, എന്നീ ആവശ്യങ്ങളും ബിഎംഎസ് ഉന്നയിക്കുന്നു. ട്രേഡ് യൂണിയനുകളുടെ രജിസ്ട്രേഷന് 45 ദിവസത്തിനകം നല്കണമെന്ന ആവശ്യത്തിലും തീരുമാനമായിട്ടില്ല. ഷോപ്പ് ആക്ടും ഏകപക്ഷീയമായി മാറ്റം വരുത്തി ജോലിസമയം ഒമ്പത് മണിക്കൂറായി നിശ്ചയിക്കാനുള്ള നീക്കം അപലപനീയമാണ്. വര്ഷത്തില് ശമ്പളത്തോടുകൂടി തൊഴിലാളികള്ക്ക് ലഭിക്കുന്ന അവധി ദിവസം 24ല് നിന്നും 16 ആക്കിയതും പ്രതിഷേധാര്ഹമാണ്. മാനേജ്മെന്റുകള്ക്ക് കൂടുതല് സൗകര്യവും സഹായവും ചെയ്തുകൊടുക്കുന്ന രീതിയില് ഏകപക്ഷീയമായി ഷോപ്സ് ആക്ട്സില് വരുത്തിയ മാറ്റങ്ങള് അംഗീകരിക്കില്ലെന്ന് ബിഎംഎസ് വ്യക്തമാക്കിയിട്ടുണ്ട്. 17 മേഖലകളില് നിന്നുള്ള ആയിരക്കണക്കിന് തൊഴിലാളികള് മാര്ച്ചില് പങ്കെടുക്കുമെന്ന് ബിഎംഎസ് ജില്ലാപ്രസിഡണ്ട് എ.സി.കൃഷ്ണന്, സെക്രട്ടറി എം.കെ.ഉണ്ണികൃഷ്ണന്, ജില്ലാസമിതി അംഗം എം.ബി.ഹരിനാരായണന് എന്നിവര്അറിയിച്ചു.
ബിഎംഎസ് പോസ്റ്റോഫീസ് മാര്ച്ച് ഇന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.