ആലപ്പുഴ: സംസ്ഥാന സര്ക്കാര് ജീവനക്കാരുടെ സ്ഥലംമാറ്റം മാനദണ്ഡങ്ങള്ക്കനുസൃതമാക്കണമെന്നും ജീവനക്കാര്ക്ക് മതിയായ സുരക്ഷ ഉറപ്പു വരുത്തണമെന്നും കേരള എന്ജിഒ സംഘ് സംസ്ഥാന പ്രസിഡന്റ് പി. സുനില്കുമാര് പറഞ്ഞു. ജില്ലാ കണ്വന്ഷന് ഉദ്ഘാടനം ചെയ്യുകയായിരുന്നു അദ്ദേഹം.
കേരളത്തിലെ കളക്ട്രേറ്റുകള്ക്കു നേരെയും സര്ക്കാര് ജീവനക്കാര്ക്കുനേരെയും നടത്തുന്ന ആക്രമണങ്ങള് ഒറ്റപ്പെട്ടതല്ല. ഇതിന്റെ പിന്നില് പ്രവര്ത്തിക്കുന്ന ശക്തികളെ കണ്ടെത്തി വിചാരണയ്ക്ക് വിധേയമാക്കണം.
സ്ത്രീ ജീവനക്കാര്ക്കും അംഗപരിമിതര്ക്കും അനുയോജ്യമായ സ്ഥലത്ത് നിയമനം നല്കുകയും ഒഴിഞ്ഞു കിടക്കുന്ന തസ്തികകള് റാങ്ക് ലിസ്റ്റില് നിന്നും നിയമനം നടത്തുകയും വേണം. ജീവനകാരുടെ കുറവ് പല ഓഫീസുകളിലും നിലവിലുണ്ടെന്നും അദ്ദേഹം പറഞ്ഞു.
ജില്ലാ പ്രസിഡന്റ് ജെ. മഹാദേവന് അദ്ധ്യക്ഷത വഹിച്ചു. സംസ്ഥാന സെക്രട്ടറി എ. പ്രകാശ്, സമിതിയംഗം കെ. മധു, കെ.ആര്. രാജേഷ്, സുമേഷ് ആനന്ദ്, ഗോപീകൃഷ്ണന് എന്നിവര് സംസാരിച്ചു.
