ജില്ലാ പ്രസിഡണ്ട് എ നാഗേഷിന്റെ നേതൃത്വത്തില് ബിജെപി
നേതാക്കള് കൊടുങ്ങലൂര് താലൂക്ക് ആശുപത്രിസന്ദര്ശിക്കുന്നു
കൊടുങ്ങലൂര്: ഗവ താലൂക്ക് ആശുപത്രിയിലെ പോരായ്മകള് മനസ്സിലാക്കുന്നതിനും പ്രവര്ത്തനം വിലയിരുത്തുന്നതിനുമായി ബിജെപി ജില്ലാ പ്രസിഡണ്ട് എ നാഗേഷിന്റെ നേതൃത്വത്തില് സന്ദര്ശനം നടത്തി. ജില്ലാ ആശുപത്രിയുടെ നിലവാരത്തിലേക്കുയര്ത്തുമെന്ന് പ്രഖ്യാപിച്ചിട്ടുളള ആശുപത്രിയില് നിലവില് അസൗകര്യങ്ങ മൂലം രോഗികള് വീര്പ്പുമുട്ടുകയാണ്.
സ്ഥലപരിമിതി മൂലം ഒ പി വിഭാഗത്തില് നിന്നും തിരിയാനാകാത്ത സ്ഥിതിയാണ് ചില സുപ്രധാന ഡിപ്പാര്ട്ടുമെന്റുകളില് ഡോക്ടര്മാരുടെ സേവന#ം ലഭ്യമല്ല. തീരദേശ മേഖലയിലെ സാധാരണക്കാരുടെ ആശ്രയ കേന്ദ്രമായ താലൂക്ക് ആശുപത്രിയിലെ വികസന പ്രവര്ത്തനങ്ങള് ഉടനെ പൂര്ത്തിയാക്കണമെന്ന് ബിജെപി ജില്ലാ പ്രസിഡണ്ട് ആവശ്യപ്പെട്ടു. ആശുപത്രി സൂപ്രണ്ടിന്റെ ചുമതലയുളള സര്ജന് ഡോ.സുരേഷുമായി എ നാഗേഷ് സംസാരിച്ചു.
ആശുപത്രിയിലെ പോരായ്മകള് അധികാരികളെ ധരിപ്പിക്കുമെന്നും പ്രശ്നങ്ങള്ക്ക് പരിഹാരം കണ്ടെത്തിയിലെങ്കില് ശക്തമായ പ്രക്ഷോഭം നടത്തുമെന്നും ബിജെപി നോതാക്കള് പറഞ്ഞു. ജില്ലാ കമ്മിറ്റിയംഗം കെ.പി ഉണ്ണികൃഷ്ണന് മണ്ഡലം പ്രസിഡണ്ട്മാരായ പോണത്ത് ബോബു, ടിബി സജീവന്, നഗരസഭ പ്രതിപക്ഷ നേതാവ് വി.ജി ഉണ്ണികൃഷ്ണന്, കൗണ്സിലാര്മാര് എന്നിവരും എ നാഗേഷിനെപ്പെം ഉണ്ടായിരുന്നു
