സ്വവർഗാനുരാഗികൾക്ക് നേരെ നടക്കുന്ന അതിക്രമങ്ങൾക്ക് റോമൻ കത്തോലിക് സഭയും ക്രിസ്ത്യൻ സമുദായവും ക്ഷമ ചോദിക്കണമെന്ന് ഫ്രാൻസിസ് മാർപാപ്പ. സ്വവർഗാനുരാഗികളോട് സഭ ക്ഷമ ചോദിക്കണമെന്ന ജർമ്മൻ റോമൻ കാത്തോലിക് കർദിനാളിന്റെ പ്രസ്താവനയോട് യോജിക്കുന്നുവോ എന്ന മാധ്യമപ്രവർത്തകന്റെ ചോദ്യത്തിന് മറുപടി നൽകുകയായിരുന്നു മാർപാപ്പ.
ഒരാൾ ദൈവവിശ്വാസിയാണെന്നും അയാളുടെ നന്മ വിലയിരുത്തുവാൻ നമ്മൾക്ക് എന്ത് അവകാശമാണെന്നും മാർപാപ്പ ചോദിച്ചു. സ്വവർഗാനുരാഗികളോട് മാത്രമല്ല ചൂഷണം ചെയ്യപ്പെടുന്ന സ്ത്രീകളോടും ജോലി സ്ഥലങ്ങളിൽ ചൂഷണം ചെയ്യപ്പെടുന്ന കുട്ടികളോടും സഭ ക്ഷമ ചോദിക്കണമെന്ന് മാർപ്പാപ്പ വ്യക്തമാക്കി.
സ്വവർഗാനുരാഗം പാപപമല്ലെന്ന് സഭ പറയുന്നില്ല പക്ഷേ അത് പാവനമാണ് എന്നാണ് മാർപ്പാപ്പ പറയുന്നത്. റോമിൽ നിന്നും അർമേനിയയിലേക്കുള്ള വിമാനയാത്രക്കിടെയായിരുന്നു അദ്ദേഹം ഇക്കാര്യം പറഞ്ഞത്.
