പാത്താമുട്ടം: ‘മേക്ക് ഇന് ഇന്ത്യ’ പദ്ധതിയിലൂടെ അടിസ്ഥാന സൗകര്യങ്ങളുടെ വികസനവും അതോടൊപ്പം വന്തോതില് തൊഴില് അവസരങ്ങള് സൃഷ്ടിക്കുമെന്നും മുന് ഹൈക്കോടതി ജസ്റ്റിസ് സി.എന്. രാമചന്ദ്രന് നായര് പറഞ്ഞു. ഇന്ത്യയിലെ യുവാക്കള്ക്ക് രാജ്യത്ത് തന്നെ മികച്ച അവസരങ്ങളുടെ കാലം സമാഗതമായെന്നും അദ്ദേഹം പറഞ്ഞു. പാത്താമുട്ടം സെന്റ്ഗിറ്റ്സ് ഗ്രൂപ്പിലെ പ്രഫഷണല് കലാലയങ്ങളുടെ ‘ഗ്രാജ്വേഷന് ഡേ’ ആഘോഷം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇന്ത്യന് വിദ്യാര്ഥികള്ക്ക് മറ്റ് രാജ്യങ്ങളില് ജോലി തേടി പോവാതെ ഉയര്ന്ന ജീവിതസൗകര്യങ്ങളുള്ള ആകര്ഷകമായ ജോലി ഇവിടെത്തന്നെ ലഭിക്കുവാനുള്ള സാഹചര്യം സമീപഭാവിയില് ഉണ്ടാവും. വിദ്യാര്ത്ഥികളുടെ വിലാസമടങ്ങിയ ‘അഡ്രെസ്സ് ബുക്’ ചടങ്ങില് പ്രകാശനം ചെയ്തു. സെന്റ്ഗിറ്റ്സ് ഡയറക്ടര് തോമസ് ടി ജോണ്, പ്രിന്സിപ്പല് ഡോ. എം.സി. ഫിലിപ്പോസ്, എക്സിക്യുട്ടിവ് ചെയര്മാന് പുന്നൂസ് ജോര്ജ്, അപ്ലൈഡ് സയന്സ് കോളേജ് പ്രിന്സിപ്പല് പ്രൊഫ. എം.സി. ജോസഫ്, ഡീന് ഡോ. റോജി ജോര്ജ്, ലെഫ്. കേണല് ജോണ് ജേക്കബ്, ഗവേണിംഗ് ബോര്ഡ് അംഗം മിനി പുന്നൂസ് തുടങ്ങിയവര് ചടങ്ങില് സംസാരിച്ചു.
‘മേക്ക് ഇന് ഇന്ത്യ’ പദ്ധതി തൊഴിലവസരങ്ങള് സൃഷ്ടിക്കും: ജസ്റ്റിസ് സി.എന്. രാമചന്ദ്രന് നായര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.