അടൂര്: എം.സി.റോഡില് വടക്കടത്ത് കാവ് നടക്കാവ് ജംഗ്ഷന് സമീപം മനുഷ്യാവകാശ കമ്മീഷന് ജസ്റ്റിസ് ജെ.ബി കോശിസഞ്ചരിച്ച കാറും മറ്റൊരു കാറുമായി കൂട്ടിയിടിച്ച് 4 പേര്ക്ക് പരിക്ക്.
ഉച്ചയ്ക്ക് 2.30 ഓടെയാണ് അപകടം. അടൂര് ഭാഗത്തുനിന്നും തിരുവനന്തപുരത്തേക്ക് പോയ ജസ്റ്റിസിന്റെ കാറില് നടയ്ക്കാവ് ജംഗ്ഷനില് പോക്കറ്റ് റോഡില് നിന്നും ഇറങ്ങിവന്ന കാറായിരുന്നു ഇടിച്ചത്. ജസ്റ്റിസ് ജെ.ബി.കോശിയുടെ പ്രൈവറ്റ് സെക്രട്ടറി നായരമ്പലം സ്വദേശി അബ്രാസ്(50), കൂട്ടിയിടിച്ച കാറില് സഞ്ചരിച്ചിരുന്ന അടൂര് വയല തെക്കേതില് റെജി(52), മകന് ജിജിന്(15) ഇയാളുടെ ബന്ധുവായ വയലാ സ്വദേശി ജിജോഭവനില് ജിജി അനൂപ്(30) എന്നിവര്ക്കാണ് പരിക്കേറ്റത്. ഇവരെ മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്. പൈലറ്റ് വാഹനത്തിലുണ്ടായിരുന്ന പോലീസാണ് അപകടത്തില്പെട്ടവരെ പുറത്തെടുത്തത്. തുടര്ന്ന് മറ്റൊരു കാറിലാണ് ജസ്റ്റിസ് ജെ.ബി.കോശി തിരുവനന്തപുരത്തേക്ക് യാത്ര തുടര്ന്നത്.
