എടത്വാ: തലവടി ഗ്രാമപഞ്ചായത്തിന്റെ നിര്ദ്ദേശപ്രകാരം ആരോഗ്യവകുപ്പിന്റെ മിന്നല് പരിശോധന. ഹോട്ടലില് സൂക്ഷിച്ചിരുന്ന പഴകിയ ഭക്ഷണസാധനങ്ങള് പിടികൂടി. അനധികൃതമായി പ്രവര്ത്തിച്ച അറവുശാലക്ക് നോട്ടീസ് നല്കി. വെള്ളക്കിണര് ജങ്ഷനില് പ്രവര്ത്തിക്കുന്ന ഹോട്ടലിലെ ഫ്രീസറില് നിന്ന് പഴകിയ ബിരിയാണിയും, മാംസവും കണ്ടെത്തി. ഹോട്ടലിനോട് ചേര്ന്ന് അനധികൃതമായി പ്രവര്ത്തിക്കുന്ന അറവുശാലയിലെ മിച്ചം വന്ന മാംസമാണ് ഫ്രീസറില് സുക്ഷിച്ചിരുന്നത്. കുടിവെള്ളം ടാര്വീപ്പയില് ശേഖരിക്കുന്നതായും കണ്ടെത്തിയിട്ടുണ്ട്. നീരേറ്റുപുറം ജങ്ഷന് സമീപം പ്രവര്ത്തിക്കുന്ന ബേക്കറിയും പരിസരപ്രദേശങ്ങളും വ്യത്തിഹീനമായി കണ്ടെത്തിയതിനെ തുടര്ന്ന് ആരോഗ്യവകുപ്പ് നോട്ടീസ് നല്കി. ആഴ്ചകള്ക്ക് മുമ്പ് നീരേറ്റുപുറം ജംഗ്ഷനില് ടണ്കണക്കിന് കക്കൂസ് മാലിന്യം തള്ളിയിരുന്നു. കൂടാതെ തലവടി പഞ്ചായത്തിലെ പൊതുനിരത്തിലും ജലാശയങ്ങളിലും അറവ് മാലിന്യവും കോഴിമാലിന്യവും നിക്ഷേപിക്കുന്നത് പതിവാണ്.
ആരോഗ്യ വകുപ്പിന്റെ മിന്നല് പരിശോധന; പഴകിയ ഭക്ഷണസാധനങ്ങള് പിടികൂടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.