ആലപ്പുഴ: കോണ്ഗ്രസില് കാലങ്ങളായി പാര്ട്ടിയെ അടിസ്ഥാനമാക്കിയുള്ള പ്രവര്ത്തനങ്ങളല്ല, വ്യക്തികേന്ദ്രീകൃതമായ പ്രവര്ത്തനങ്ങളാണ് നടക്കന്നതെന്ന് ആലപ്പുവ നഗരത്തിലെ എ ഗ്രൂപ്പ് പ്രവര്ത്തകര് അന്വേഷണ സമിതി മുമ്പാകെ പരാതി നല്കി. കെ.സി. വേണുഗോപാല് എംപിയുടെ റാന് മൂളികളായ ആളുകളെ മാത്രമാണ് പാര്ട്ടി ഭാരവാഹികളായി തിരുകിക്കയറ്റുന്നത്. പാര്ട്ടി വിരുദ്ധ പ്രവര്ത്തനങ്ങളില് കുപ്രസിദ്ധി നേടിയ ബൂത്തു പ്രസിഡന്റാകാനുള്ള യോഗ്യത പോലുമില്ലാത്തയാളെയാണ് ആലപ്പുഴ ബ്ലോക്കിന്റെ പ്രസിഡന്റാക്കിയിരിക്കുന്നത്.
വാര്ഡുകളിലും ബൂത്തുകളിലും പോലും 15 വര്ഷക്കാലമായി സ്വന്തക്കാരെ തിരുകിക്കയറ്റുകയാണ് കെ.സി. വേണുഗോപാല് എംപി. ഡിസിസി പുനഃസംഘടനയില് സ്വന്തം വാര്ഡില് 1065 വോട്ടിന് തോറ്റ സ്ഥാനാര്ത്ഥിയെയാണ് ജനറല് സെക്രട്ടറിയായി നിയമിച്ചത്.
ബിജെപിയില് ചേരാന് തീരുമാനിച്ചിരുന്നയാളെ ഡിസിസി സെക്രട്ടറിയായി പ്രഖ്യാപിച്ചതും എംപിയുടെ താത്പര്യപ്രകാരമാണ്. നഗരത്തിലെ പ്രവര്ത്തനം എംപി വേണുഗോപാല് എന്ന വ്യക്തിയെ കേന്ദ്രീകരിച്ച് മാത്രം പ്രവര്ത്തിക്കുന്ന ഒരു കൂട്ടം ആളുകളായി അധഃപതിച്ചിരിക്കുകയാണ്.
ആത്മാഭിമാനവും സ്വന്തം നിലപാടുമുള്ള ഒരാളിനുപോലും ആലപ്പുഴ പട്ടണത്തില് തുടരാന് കഴിയാത്ത അവസ്ഥയാണ്. സ്വന്തം വാര്ഡിന്റെ അതിര്ത്തിപോലും അറിയാത്ത 16ഓളം ഡിസിസി ഭാരവാഹികളെ നഗരത്തില് വച്ച് പാര്ട്ടി അപമാനം താങ്ങുകയാണ്. കുറഞ്ഞത് 15 മിനിറ്റെങ്കിലും പാര്ട്ടി കമ്മറ്റിയില് വര്ത്തമാനം പറയാന് അറിയാവുന്ന നേതാക്കളെ ഉള്പ്പെടുത്തി പാര്ട്ടിയില് സമൂല അഴിച്ചുപണി വേണമെന്നും എഗ്രൂപ്പ് ആവശ്യപ്പെട്ടു.
