ചേര്ത്തല: സമ്മാന കൂപ്പണ് അടിച്ച് പണപ്പിരിവ്. ജില്ലാ വിദ്യാഭ്യാസ ഓഫീസില് നിന്ന് റിപ്പോര്ട്ട് ആവശപ്പെട്ടതായി സൂചന. ചേര്ത്തലയിലെ സര്ക്കാര് സ്കൂളിന്റെ പേരില് സമ്മാനക്കൂപ്പണ് അടിച്ച അദ്ധ്യാപകര്ക്കെതിരെ പരാതി നല്കിയിരുന്നു.
ഇതിന്റെ അടിസ്ഥാനത്തിലാണ് ജില്ലാ വിദ്യാഭ്യാസ ഓഫീസില് നിന്ന് വിശദീകരണം ആരാഞ്ഞത്. വികസന ഫണ്ട് എന്ന പേരില് അച്ചടിച്ച കൂപ്പണില് സ്കൂള് അധികൃതരുടെയോ പിടിഎയുടെയോ വിശദാംശങ്ങളൊന്നും ചേര്ത്തിട്ടില്ല. 50 രൂപയുടെ ഇരുപത് കൂപ്പണുകളടങ്ങിയ ബുക്കുകള് വിദ്യാര്ഥിനികളുടെ കയ്യില് നല്കിയാണ് പണം പിരിക്കുന്നത്.
വ്യാജ ലോട്ടറിയുടെ സ്വഭാവത്തിലുള്ള കൂപ്പണുകളുമായി വിദ്യാര്ത്ഥിനികള് വീടു വീടാന്തരം കയറിയിറങ്ങുന്നത് അവരുടെ സുരക്ഷയെ ബാധിക്കുമെന്നും, അനധികൃത പണപ്പിരിവിന് സ്കൂള് വിദ്യാര്ഥിനികളെ ഉപയോഗിച്ച അദ്ധ്യാപകരെ മാതൃകാപരമായി ശിക്ഷിക്കണമെന്നും ആവശ്യപ്പെട്ട് കെ. കണ്ണനാണ് വിദ്യാഭ്യാസ മന്ത്രി ഉള്പ്പെടെയുള്ളവര്ക്ക് പരാതി നല്കിയത്.
എന്നാല് കലോല്സവത്തില് പങ്കെടുത്ത വകയില് രണ്ടരലക്ഷത്തോളം രൂപ ബാദ്ധ്യത ഉള്ളതിനാല് കൂപ്പണിലൂടെ തുക കണ്ടെത്തുവാന് നഗരസഭ വിദ്യാഭ്യാസ സ്റ്റാന്ഡിങ് കമ്മിറ്റി ചെയര്മാന് ഉള്പ്പെടെ പങ്കെടുത്ത മീറ്റിങില് തീരുമാനിക്കുകയായിരുന്നുവെന്നുമാണ് സ്കൂള് അധികൃതര് നല്കുന്ന വിശദീകരണം.
