കോഴഞ്ചേരി: തിരുവിതാംകൂര് ദേവസ്വം ബോര്ഡ് വഴിപാട് ഇനങ്ങള്ക്ക് അമിതമായി ചാര്ജ്ജ് വര്ദ്ധിപ്പിച്ചതില് പ്രതിഷേധിച്ച് ഹിന്ദു ഐക്യവേദിയുടെ നേതൃത്വത്തില് ആറന്മുളയില് പ്രതിഷേധമാര്ച്ചും ധര്ണ്ണയും നടത്തി. മൂര്ത്തിട്ട ഗണപതി ക്ഷേത്രത്തിന് സമീപത്തുനിന്നും ആരംഭിച്ച പ്രകടനത്തിന് കെ.ആര്.കൃഷ്ണപിള്ള, മോഹന്ദാസ് കോന്നി, കെ.രാധാകൃഷ്ണന്നായര്, കെ.കെ.രാജന്, പത്മജ, വിലാസിനി രാമചന്ദ്രന്, മധുകുമാര്, ഗോപാലകൃഷ്ണപിള്ള എന്നിവര് നേതൃത്വം നല്കി.
ആറന്മുള ദേവസ്വം അസി. കമ്മീഷണര് ഓഫീസിന് മുമ്പില് നടത്തിയ ധര്ണ്ണ ഹിന്ദുഐക്യവേദി സംസ്ഥാന സഹ സംഘടനാ സെക്രട്ടറി വി.സുശീല്കുമാര് ഉദ്ഘാടനം ചെയ്തു. വര്ദ്ധിപ്പിച്ച വഴിപാടു നിരക്കുകള് പിന്വലിക്കണമെന്നും ഭക്തജനങ്ങളോടുള്ള വെല്ലുവിളിയായി മാത്രമേ വഴിപാട് നിരക്കുവര്ദ്ധിപ്പിച്ചതിനെ കാണാന് കഴിയുകയുള്ളൂ എന്ന് ഉദ്ഘാടനം ചെയ്തുകൊണ്ട് അദ്ദേഹം പറഞ്ഞു. ജില്ലാ വൈസ് പ്രസിഡന്റ് കെ.പി.സോമന്, ജനറല് സെക്രട്ടറി ബി.സുരേഷ്, ട്രഷറാര് പി.എന്.രഘൂത്തമന്, അശോക് കുമാര്, പി.ആര്.ഷാജി, കെ.കെ.രാധാമണിയമ്മ, കെ.എന്.ഗോപിനാഥപിള്ള, ഗ്രാമപഞ്ചായത്ത് മെമ്പര് പ്രഭ രവീന്ദ്രന്, കെ.എസ്.സതീഷ് കുമാര് എന്നിവര് സംസാരിച്ചു.
