കൊച്ചി: ഗള്ഫ് മേഖലയിലെ ഏറ്റവും വിശ്വാസ്യതയാര്ന്ന ആഭരണ ബ്രാന്ഡായ കല്യാണ് ജൂവലേഴ്സിന് മിഡില്ഈസ്റ്റിലെ രണ്ട് പ്രമുഖ അവാര്ഡുകള് സ്വന്തമാക്കി. ഏറ്റവും സുതാര്യവും ഉപഭോക്തൃസൗഹാര്ദ്ദപരവുമായ ജൂവലറി ഗ്രൂപ്പിനുള്ള സൂപ്പര് ബ്രാന്ഡ്സ് 2016 പദവി കല്യാണ് കരസ്ഥമാക്കി. ദുബായ് ഫെസ്റ്റിവല് സിറ്റിയിലെ ഇന്റര് കോണ്ടിനെന്റല് ഹോട്ടലില് നടന്ന ചടങ്ങില് സൂപ്പര് ബ്രാന്ഡ്സ് മിഡില് ഈസ്റ്റ് ഡയറക്ടര് മൈക്ക് ഇംഗ്ലീഷ് കല്യാണ് ജൂവലേഴ്സ് ഓവര്സീസ് ഓപ്പറേഷന്സ് തലവന് ചെയര്മാന് എന്. ആര്. വെങ്കട്ടരാമന് അവാര്ഡ് നല്കി.
ഇതുകൂടാതെ ഗ്ലോബല് വില്ലേജിലെ ഏറ്റവും മികച്ച റീട്ടെയ്ലര്ക്കുള്ള അവാര്ഡും കല്യാണിനാണ് ലഭിച്ചത്. ഷെയ്ഖ് മന്സൂര് ബിന് മുഹമ്മദ് ബിന് റാഷിദ് അല് മക്തൂം ഗ്ലോബല് വില്ലേജിന്റെ മിനിയേച്ചര് രൂപത്തിലുള്ള ട്രോഫി കൈമാറി.
ഗ്ലോബല് വില്ലേജില് സമഗ്രമായ ബ്രാന്ഡ് സഹകരണം ഉറപ്പാക്കിയ ഭാരതത്തി ല്നിന്നുള്ള ആദ്യ ബ്രാന്ഡാണ് കല്യാണ് ജൂവലേഴ്സ്. ഗള്ഫില് പ്രവര്ത്തനമാരംഭിച്ച് രണ്ടുവര്ഷത്തിനകം സൂപ്പര് ബ്രാന്ഡ്സ് അവാര്ഡും മികച്ച റീട്ടെയ്ലര് പട്ടവും സ്വന്തമാക്കാന് കഴിഞ്ഞതില് സന്തോഷമുണ്ടെന്നും ഉപഭോക്താക്കളുടെ സംതൃപ്തിയും പിന്തുണയുമാണ് കല്യാണ് ജൂവലേഴ്സിനെ അതിന്റെ വളര്ച്ചയില് എന്നും സഹായിച്ചിട്ടുള്ളതെന്നും കല്യാണ് ജൂവലേഴ്സ് ചെയര്മാനും എംഡിയുമായ കല്യാണരാമന് പറഞ്ഞു.
