ആലപ്പുഴ: പച്ചക്കറി വില കുതിച്ചു കയറുന്നു, കാഴ്ചക്കാരായി സംസ്ഥാന സര്ക്കാര്. പഴം, പച്ചക്കറി വിലവര്ധന കഴിഞ്ഞകാലങ്ങളെ അപേക്ഷിച്ച് ഏറ്റവും ഉയര്ന്ന നിലയിലെത്തി നില്ക്കുകയാണ് .
പച്ചമുളക്, പടവലം, ബീന്സ്, തക്കാളി, വെണ്ടയ്ക്ക, പാവയ്ക്ക തുടങ്ങിയവയ്ക്കു വന്വില വര്ധനയാണ് ഉണ്ടായിരിക്കുന്നത്. മാര്ക്കറ്റില് നിന്നും കഴിഞ്ഞ കാലങ്ങളില് 20 മുതല് 25 രൂപയ്ക്കു ലഭിച്ചിരുന്ന ഒരു കിലോ ബീന്സിനു നിലവിലെ വില 140 രൂപയാണ്.
പച്ചമുളക് 40ല് നിന്നും 90, വെണ്ടയ്ക്ക 24ല് നിന്നും 60, തക്കാളി 20ല് നിന്നും 80, മുരിങ്ങയ്ക്ക 18ല് നിന്നും 50 എന്നിങ്ങനെയാണ് വില വര്ദ്ധിച്ചത്. സവാളയും ഉരുളക്കിഴങ്ങും മാത്രമാണു വലിയ വിലവര്ധന ഇല്ലാതെ ഒരു കിലോ 20 മുതല് 30 രൂപ നിരക്കില് ഇന്നും ലഭിക്കുന്നത്.
പച്ചക്കറി വില പൊള്ളുന്നുഎന്നാല് വിലനിലവാരത്തില് സ്ഥിരതയില്ലാതെയുള്ള ഉയര്ച്ചയും താഴ്ചയുമാണു നിലവിലെ സ്ഥിതി. വരും ദിവസങ്ങളില് വില വീണ്ടും ഉയരാന് സാധ്യതയുണ്ടെന്നാണ് വിവരം. എന്നാല് വിപണിയില് ഇടപെടാനോ, ഹോര്ട്ടികോര്പ്പിന്റെ പ്രവര്ത്തനം കാര്യക്ഷമമാക്കാനോ സര്ക്കാര് തയ്യാറാകുന്നില്ല.
