കണ്ണൂര്: കേന്ദ്രമന്ത്രാലയത്തിന്റെയും യൂണിവേഴ്സിറ്റി ഗ്രാന്റ് കമ്മീഷന്റെയും സംയുക്ത ആഭിമുഖ്യത്തില് വിഭാവനം ചെയ്യപ്പെട്ട് നടപ്പിലാക്കുന്ന വ്യത്യസ്ത തൊഴില് മേഖലയിലുള്ള രണ്ട് ഡിഗ്രി കോഴ്സുകള് കൂടി പോണ്ടിച്ചേരി യൂണിവേഴ്സിറ്റിയുടെ മാഹി സെന്ററില് നടത്തപ്പെടും. ഇപ്പോള് നടത്തിവരുന്ന രണ്ട് ബിവോക് ഡിഗ്രി കോഴ്സുകളായ ബിവോക് ടൂറിസം ആന്റ് സര്വീസ് ഇന്ഡസ്ട്രി, ബിവോക് റേഡിയോഗ്രാഫി ആന്റ് ഇമേജിങ്ങ് ടെക്നോളജി എന്നിവയ്ക്ക് പുറമെ ബിവോക് ജേര്ണലിസം ആന്റ് മാസ് കമ്മ്യൂണിക്കേഷന്സ്, ബിവോക് ഫാഷന് ടെക്നോളജി എന്നീ കോഴ്സുകളാണ് പുതുതായി ആരംഭിച്ചതെന്ന് സെന്റര് ഹെഡ് ഡോ പ്രഭാത് ഭാസ്ക്കര്, അസിസ്റ്റന്റ് രജിസ്ട്രാര് സി.എം.ശ്രീകല എന്നിവര് വാര്ത്താസമ്മേളനത്തില് അറിയിച്ചു. ജേര്ണലിസം, ഫാഷന് ടെക്നോളജി കോഴ്സുകള്ക്ക് ഒരു സെമസ്റ്ററിന് 14,000രൂപയാണ് ഫീസ്. ആകെ ആറ് സെമസ്റ്ററുകളാണുള്ളത്. കോഴ്സിലേക്കുള്ള അഡ്മിഷന് ആപ്ലിക്കേഷന് മാഹി സെന്ററിലും യൂണിവേഴ്സിറ്റി വെബ്സൈറ്റിലും ലഭ്യമാണ്. അപേക്ഷാ ഫീസ് 100 രൂപ എസ്സി, എസ്ടി അപേക്ഷകര്ക്ക് അമ്പത് രൂപയാണ്. ഭിന്നശേഷിയുള്ളവര്ക്ക് ഫീസ് സൗജന്യം.പൂരിപ്പിച്ച അപേക്ഷ മാഹി സെന്ററില് സമര്പ്പിക്കാനുള്ള അവസാനതിയ്യതി ജൂണ് പത്ത് ആണ്. വിശദവിവരങ്ങള്ക്ക് പോണ്ടിച്ചേരി യൂണിവേഴ്സിറ്റി മാഹി സെന്ററുമായി ബന്ധപ്പെടേണ്ടതാണ്. ഫോണ്: 0490 2332622.
പ്രതികരിക്കാൻ ഇവിടെ എഴുതുക: