കണ്ണൂര്‍: ചരിത്രത്തിലാദ്യമായി ബിജെപി അംഗം കേരള നിയമസഭയിലെത്തിയതിന്റെ ഭാഗമായി ബിജെപി സംസ്ഥാന കമ്മിറ്റിയുടെ നേതൃത്വത്തില്‍ നടത്തുന്ന വിജയയാത്രക്ക് ഇന്നലെ കണ്ണൂരില്‍ ആവേശ്വോജ്ജ്വല തുടക്കം. നിയുക്ത എംഎല്‍എ ഒ.രാജഗോപാല്‍ നയിക്കുന്ന യാത്ര രാവിലെ പയ്യാമ്പലത്തെ കെ.ജി.മാരാര്‍ സ്മൃതിമണ്ഡപത്തില്‍ നടന്ന പുഷ്പാര്‍ച്ചനക്ക് ശേഷമാണ് ആരംഭിച്ചത്. ഒ.രാജഗോപാലിന്റെ നേതൃത്വത്തില്‍ ബിജെപി നേതാക്കളും നൂറുകണക്കിന് സംഘപരിവാര്‍ പ്രവര്‍ത്തകരും സ്മൃതി മണ്ഡപത്തില്‍ പുഷ്പാര്‍ച്ചന നടത്തി. പയ്യാമ്പലത്തു നിന്നും ആരംഭിച്ച യാത്ര നിരവധി വാഹനങ്ങളുടെ അകമ്പടിയോടെ ആദ്യ സ്വീകരണ സ്ഥലമായ കണ്ണൂര്‍ സ്റ്റേഡിയം പവലിയനിലെത്തിച്ചേര്‍ന്നു. ബിജെപി ജില്ലാ കമ്മറ്റി ഒരുക്കിയ സ്വീകരണ പരിപാടിയില്‍ യാത്രയുടെ ഔപചാരിക ഉദ്ഘാടനം ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍ നിര്‍വ്വഹിച്ചു. ബിജെപി കണ്ണൂര്‍ ജില്ലാ പ്രസിഡണ്ട് പി.സത്യപ്രകാശ് അധ്യക്ഷത വഹിച്ചു. ബിജെപി മുന്‍ സംസ്ഥാന അധ്യക്ഷന്മാരായ വി.മുരളീധരന്‍, സി.കെ.പത്മനാഭന്‍, പി.കെ.കൃഷ്ണദാസ്, സംസ്ഥാന ജനറല്‍ സെക്രട്ടറിമാരായ എം.ടി.രമേശ്, എ.എന്‍.രാധാകൃഷ്ണന്‍, സംസ്ഥാന ഉപാധ്യക്ഷന്‍ അഡ്വ.ബി.ഗോപാലകൃഷ്ണന്‍, സംസ്ഥാന സെക്രട്ടറി വി.വി.രാജേഷ്, യുവമോര്‍ച്ച സംസ്ഥാന പ്രസിഡണ്ട് അഡ്വ.പ്രകാശ്ബാബു, മഹിളാമോര്‍ച്ച സംസ്ഥാന സെക്രട്ടറി സി.പി.സംഗീത, ബിജെപി ദേശീയ സമിതിയംഗങ്ങളായ പി.കെ.വേലായുധന്‍, എ.പി.പത്മിനി ടീച്ചര്‍, സംസ്ഥാന സമിതിയംഗങ്ങളായ കെ.രഞ്ചിത്ത്, എ.ദാമോദരന്‍, മേഖലാ വൈസ് പ്രസിഡണ്ട് എ.പി.ഗംഗാധരന്‍, ബിജെപി കാസര്‍കോഡ് ജില്ലാ പ്രസിഡണ്ട് അഡ്വ.കെ.ശ്രീകാന്ത്, ജനറല്‍ സെക്രട്ടറി എ.വേലായുധന്‍, ബിഡെജെഎസ് കേന്ദ്ര കമ്മിറ്റിയംഗം അരയാക്കണ്ടി സന്തോഷ്, ജില്ലാ പ്രസിഡണ്ട് വി.പി.ദാസന്‍, കേരളാ കോണ്‍ഗ്രസ് പിസി തോമസ് വിഭാഗം ജില്ലാ പ്രസിഡണ്ട് വര്‍ക്കിവട്ടപ്പാറ, ജെഎസ്എസ് രാജന്‍ബാബു വിഭാഗം ജില്ലാ പ്രസിഡണ്ട് ദാസന്‍പാലപ്പളളി, ലോക്ജനശക്തി സംസ്ഥാന സമിതിയംഗം സതീഷ് ചന്ദ്രന്‍ എന്നിവരും ചടങ്ങില്‍ സംബന്ധിച്ചു. ബിജെപി ജില്ലാ ജനറല്‍ സെക്രട്ടറി കെ.കെ.വിനോദ് കുമാര്‍ സ്വാഗതവും കണ്ണൂര്‍ മണ്ഡലം പ്രസിഡണ്ട് ടി.സി.മനോജ് നന്ദിയും പറഞ്ഞു.
ബിജെപി വിജയ യാത്രക്ക് കണ്ണൂരില്‍ ആവേശ്വോജ്ജ്വല തുടക്കം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.