ന്യൂദല്ഹി: കേന്ദ്രസര്ക്കാരിന്റെ റബ്ബര്നയം ഉടന് പ്രഖ്യാപിക്കുമെന്ന് കേന്ദ്രവാണിജ്യമന്ത്രി നിര്മ്മല സീതാരാമന് അറിയിച്ചു. നിയമസഭാ തെരഞ്ഞെടുപ്പുകളുടെ പശ്ചാത്തലത്തിലാണ് നടപടി വൈകിയതെന്നും അവര് പറഞ്ഞു. റബ്ബര് ബോര്ഡ് പുനഃസംഘടന ഉടനുണ്ടാകുമെന്നും കേന്ദ്രവാണിജ്യമന്ത്രി മന്ത്രാലയത്തിന്റെ ഭരണനേട്ടങ്ങള് വിശദീകരിച്ചുകൊണ്ട് നടത്തിയ പത്രസമ്മേളനത്തില് പറഞ്ഞു.
റബ്ബര് കര്ഷകര്ക്ക് ഇന്ഷുറന്സ് പദ്ധതി പൈലറ്റ് അടിസ്ഥാനത്തില് നേരത്തെ നടപ്പാക്കിയിട്ടുണ്ട്. ഇതു വ്യാപകമായി നടപ്പാക്കും. റബ്ബര് ബോര്ഡില് രജിസ്റ്റര് ചെയ്ത എല്ലാ കര്ഷകര്ക്കും ഇന്ഷുറന്സ് പരിരക്ഷ ലഭിക്കുമെന്നും കേന്ദ്രമന്ത്രി അറിയിച്ചു.
റബ്ബര് ബോര്ഡ്, സ്പൈസസ് ബോര്ഡ്, കോഫി ബോര്ഡ്, ടീ ബോര്ഡ് എന്നിവയുടെ പുനഃസംഘടന ഉടന് നടക്കുമെന്നും മന്ത്രി പറഞ്ഞു. പുതിയ സ്റ്റാര്ട്ട് അപ്പുകളുടെ നികുതി ഇളവ് മൂന്നുവര്ഷത്തില് നിന്നും ഏഴു വര്ഷമാക്കി ഉയര്ത്തണമെന്ന വാണിജ്യ മന്ത്രാലയത്തിന്റെ നിലപാട് ധനമന്ത്രാലയത്തിന് കൈമാറിയതായും നിര്മ്മല സീതാരാമന് പറഞ്ഞു.
ഭാരതത്തില് നിന്നും മരുന്നുകള് കയറ്റുമതി ചെയ്ത വകയില് വെനിസ്വേല, സുഡാന്,
നൈജീരിയ തുടങ്ങിയ രാജ്യങ്ങളിലെ ഇറക്കുമതിക്കാര് നല്കാനുള്ള ഭീമമായ കുടിശിക തിരികെ പിടിക്കാന് അതതു രാജ്യങ്ങളുമായി ചര്ച്ചകള് ആരംഭിച്ചിട്ടുണ്ട്. ബസുമതി അരിയൊഴിച്ചുള്ള മറ്റ് അരിയിനങ്ങള് ഭാരതത്തില് നിന്നും ഇന്തോനേഷ്യയിലേക്ക് ഇറക്കുമതി ചെയ്യുന്നത് സംബന്ധിച്ച ചര്ച്ചകളും പുരോഗമിക്കുകയാണ്. വിദേശനിക്ഷേപം നടത്തുമ്പോള് ഇളവ് നല്കണമെന്ന ആപ്പിളിന്റെ ആവശ്യം ധനവകുപ്പുമായി ചര്ച്ച ചെയ്യുകയാണെന്നും വാണിജ്യമന്ത്രി അറിയിച്ചു.
