നാല്പതുവര്ഷങ്ങള്ക്കുമുന്പ് കേരളത്തില് രൂപംകൊണ്ട കുട്ടികളുടെ സാംസ്കാരിക പ്രസ്ഥാനമെന്ന ബാലഗോകുലം ഇന്ന് രാജ്യാന്തരങ്ങളിലും വ്യാപിച്ചിരിക്കുന്നു. കഴിഞ്ഞ ഏപ്രില് മാസത്തില് ദല്ഹിയില്നടന്ന ഒരു യോഗത്തില് ഭാരതത്തിലെ വിവിധ സംസ്ഥാനങ്ങളില്നിന്നും ഭാരതത്തിനുപുറത്ത് ആഫ്രിക്കയില്നിന്നുപോലും കുട്ടികളും ബാലഗോകുലം പ്രവര്ത്തകരും ഒരുമിച്ചുകൂടിയിരുന്നു. ബാലഗോകുലമെന്ന പേരില് ചില രാഷ്ട്രങ്ങളിലും മറ്റ് സ്ഥലങ്ങളില് ബാലഭാരതിയെന്നും കൃഷ്ണദര്ശനമെന്നുമൊക്കെ അവരവര്ക്ക് ഇഷ്ടപ്പെട്ട പേരില് നടക്കുന്ന ഈ കുട്ടികളുടെ സാംസ്കാരികൂട്ടായ്മകള് തികച്ചും കേരളത്തിലെ ബാലഗോകുലത്തിന്റെ തനിപ്പകര്പ്പുകളാണ്.
‘കേസരി’ വാരികയിലെ ഒരു ബാലപംക്തിയില് തുടങ്ങിയ ബാലഗോകുലം, കുട്ടികളുടെ കൂട്ടായ്മയായി രൂപംകൊണ്ടത് 1975 മുതലാണ്. സ്വാതന്ത്ര്യാനന്തരം പാഠപുസ്തകങ്ങളിലെ സാംസ്കാരിക-പാരമ്പര്യാംശങ്ങള് എടുത്തുകളഞ്ഞപ്പോള് ഒരു നാടിന്റെ സംസ്കാരം നഷ്ടപ്പെടുന്നു എന്നു മനസിലാക്കിയ കുഞ്ഞുണ്ണിമാസ്റ്റര്, സുഗതകുമാരി തുടങ്ങിയവരുടെ പ്രേരണ ബാലഗോകുലം തുടങ്ങുന്നതിന് കാരണമായി. എന്നാല്, പ്രാദേശികമായി കുട്ടികളെ ഒരുമിച്ചുചേര്ത്ത് ക്ലാസുകള് നടത്തിയപ്പോള് അവര്ക്ക് ഭഗവാന് കൃഷ്ണന്റെ ബാലലീലകള് കഥാനുഭവത്തില് നല്കാനും കൃഷ്ണവിഗ്രഹത്തില് മാലചാര്ത്തി ഭജനപാടി ക്ലാസുകള് തുടങ്ങാനും പ്രേരണ ലഭിച്ചു. ആ പ്രേരണയാണ് പിന്നീട് ശ്രീകൃഷ്ണജയന്തിക്ക് വര്ണശബളമായ ശോഭായാത്രയോടെ ബഹുജനപങ്കാളിത്തം നേടാനും കഴിഞ്ഞത്.
അങ്ങനെ കുട്ടികള്ക്ക് സംസ്കാരവും വലിയവര്ക്ക് സാമൂഹ്യമായി ഒന്നുചേര്ന്ന് പ്രവര്ത്തിക്കാനുള്ള പ്രേരണയും ലഭിച്ചു. ഇങ്ങനെ കേരളത്തില് ബാലഗോകുലം വ്യാപകമായപ്പോള് അതിലൂടെ വളര്ന്നുവന്നവര് പോയ സ്ഥലങ്ങളിലെല്ലാം കുട്ടികള്ക്ക് സംസ്കാരവും വലിയവര്ക്ക് കൂട്ടായ്മയും സൃഷ്ടിക്കുന്ന സംരംഭങ്ങള് ഇന്ന് വര്ധിച്ചുവരുന്നുണ്ട്. അങ്ങനെയുള്ളവരുടെ പ്രതിനിധികളാണ് ദല്ഹിയില് കഴിഞ്ഞദിവസം ഒത്തുചേര്ന്നത്.
കേരളത്തിലെ വിദ്യാഭ്യാസ മേഖലയില് മാത്രമല്ല, വിവിധ രംഗങ്ങളിലും വളര്ന്നുവരുന്ന അനിഷ്ടസംഭവങ്ങള്ക്ക് പരിഹാരം കാണാന് വെറും കുട്ടികളുടെ സാംസ്കാരിക ക്ലാസുകള് പോരെന്ന് അനുഭവപ്പെട്ടതിന്റെ ഫലമായി, പൊതുജനങ്ങളില് സ്വാധീനം ചെലുത്താന് കഴിയുന്നവിധം ബാലഗോകുലത്തിലെ കുട്ടികളെ കഴിവുറ്റ നേതൃത്വത്തിലേക്കുയര്ത്തേണ്ടതാണെന്ന് ബാലഗോകുലം മനസിലാക്കുന്നു.
പരിസ്ഥിതി മലിനീകരണവും സ്വഭാവദൂഷ്യങ്ങളും കുടുംബകലഹങ്ങളും ഇന്ന് സമൂഹത്തില് വലിയ ആഘാതം സൃഷ്ടിക്കുന്നുണ്ട്. കുട്ടികളില്നിന്ന് കുടുംബത്തിലേക്കും, കുടുംബങ്ങളുടെ കൂട്ടായ്മ വഴി സമൂഹത്തിലേക്കും പ്രവേശിച്ച് പരിവര്ത്തനം വരുത്തേണ്ടതാണെന്ന അറിവാണ് ബാലഭാരതമെന്ന പേരില് കുട്ടികള്ക്ക് നേതൃത്വപരിശീലനം നല്കുന്ന ഒരു പരിപാടി നടത്താന് ്രേപരിപ്പിച്ചത്.
ഭാവിയില് ഗോകുലങ്ങളില് മാത്രമല്ല, സമൂഹത്തിലും സാംസ്കാരിക പരിവര്ത്തനം വരുത്താന് കഴിവുള്ളവരെ വളര്ത്തിയെടുക്കാനാണ് പ്രകൃതിദര്ശനം, യോഗീ ഉത്സവം, രാഷ്ട്രദര്ശനം എന്നിങ്ങനെ പരിപാടികള് സംഘടിപ്പിച്ചിരിക്കുന്നത്. സമൂഹത്തിലെ ആദരണീയര് നടത്തുന്ന ക്ലാസുകളും ഇവിടെ നടക്കുന്ന മറ്റു പരിപാടികളും ബാലഗോകുലത്തിന്റെ നാല്പതുവര്ഷത്തെ പ്രവര്ത്തനത്തിനുശേഷം ഏത് ദിശയിലേക്കു നീങ്ങുന്നു എന്നതിന്റെ സൂചനയായിരിക്കും.
സമൂഹത്തിന് ഭാവിയില് വേണ്ടത് ചെയ്യാന് ഇന്നേ തയ്യാറെടുക്കുന്നു എന്നുവേണം ഈ ബാലഭാരത സംരംഭത്തെക്കുറിച്ച് പറയാന്.
