തിരുവനന്തപുരം: ശാന്തിഗിരി ആശ്രമത്തിന്റെ സ്ഥാപകനായ നവജ്യോതിശ്രീകരുണാകര ഗുരുവിന്റെ ഒരു വര്ഷം നീണ്ടുനില്ക്കുന്ന നവതി ആഘോഷപരിപാടിയോടനുബന്ധിച്ചുള്ള ആഗോളപ്രചാരണ പരിപാടിക്ക് ശാന്തിഗിരിയില് തുടക്കമായി. സപ്തംബര് ആറിനാണ് നവതി.
ഒരു വര്ഷം നീണ്ടുനില്ക്കുന്ന ആഘോഷപരിപാടികളാണ് നവതിയോടനുബന്ധിച്ച് നടത്തുന്നത്. പരിപാടികള് 2017 സപ്തംബര് 20ന് വൈകുന്നേരം കുംഭമേളയോടെ സമാപനമാകും. ജൂണില് ന്യൂദല്ഹിയില് ആഘോഷപരിപാടികളുടെ ഉദ്ഘാടനം നടക്കും.
ആഘോഷത്തോടനുബന്ധിച്ച് മൈസൂര്, ബാംഗഌര്, മുംബൈ, അഹമ്മദാബാദ്, ദല്ഹി, ഛത്തീസ്ഗഡ്, രാജസ്ഥാന്, ബറോഡ, ഗുഹാട്ടി, കൊല്ക്കത്ത, മധുര, കോയമ്പത്തൂര്, തുടങ്ങി പ്രധാനപ്പെട്ട നഗരങ്ങളിലും യുഎസ്, മെക്സികോ, യുറോപ്പ്, ജര്മ്മനി, ബഹ്റിന്, യുഎഇ, ശ്രീലങ്ക, സിംഗപൂര്, മലേഷ്യ, ടോക്കിയോ, ജപ്പാന്, ഓസ്ട്രേലിയ തുടങ്ങിയ രാജ്യങ്ങളിലും ആഘോഷ പരിപാടികള് നടക്കും. ദേശീയ അന്തര് ദേശീയ രംഗത്തെ പ്രമുഖര് വിവിധ ചടങ്ങുകളില് പങ്കെടുക്കുമെന്നും സൗജന്യ ഭവന പദ്ധതി, വിവാഹ പദ്ധതി, ക്ഷേമ പദ്ധതി, ഭവന സന്ദര്ശനം, ജില്ലാ സമ്മേളനം, ശാന്തിയാത്ര, ശുചീകരണ പ്രവര്ത്തനങ്ങള്, ജീവകാരണ്യ പ്രവര്ത്തനങ്ങള്, സ്കൂളുകള്, കോളേജുകള് എന്നിവ കേന്ദ്രീകരിച്ചുള്ള പ്രവര്ത്തനങ്ങള്, മാനവിക യാത്ര, സെമിനാറുകള് സന്യാസി സംഗമം, സത്സംഗം, ഏരിയാ സമ്മേളനം, സാഹിത്യ കൂട്ടായ്മ, സൗഹൃദ കൂട്ടായ്മ, വാഹന പ്രചാരണ ജാഥ, കലാകായിക മത്സരങ്ങള് തുടങ്ങിയവ നടത്തും.
ആഘോഷപരിപാടികളോടനുബന്ധിച്ച് രാജ്യത്തുടനീളമുള്ള സന്നദ്ധ പ്രവര്ത്തനങ്ങള്ക്കായി സന്യാസിമാര് യാത്ര തിരിച്ചു.
