പത്തനംതിട്ട: റാന്നി നിയോജകമണ്ഡലത്തിലെ എന്ഡിഎ സ്ഥാനാര്ത്ഥി കെ.പത്മകുമാറിന് ചെറുകോല് പഞ്ചായത്തില് ആവേശ്വോജ്വല സ്വീകരണം. ബിജെപിദേശീയ അദ്ധ്യക്ഷന് അമിത്ഷാ ജില്ലയില് പങ്കെടുത്ത തെരഞ്ഞെടുപ്പ് പ്രചരണ യോഗത്തിന്റെ ആവേശം ഒട്ടുംകെടാതെയാണ് റാന്നി മണ്ഡലത്തിലുടനീളം സ്ഥാനാര്ത്ഥിയ്ക്ക് സ്വീകരണങ്ങള് ലഭിക്കുന്നത്.
രാവിലെ 9ന് ചണ്ണമാങ്കല് നിന്നും പ്രചരണ പരിപാടി ബിജെപി ജില്ലാ വൈസ് പ്രസിഡന്റ് പ്രദീപ് ചെറുകോല് ഉദ്ഘാടനം ചെയ്തു. യുവാക്കളുടെ ബൈക്ക് റാലിയും നിരവധിഅകമ്പടി വാഹനങ്ങളോടുംകൂടിയാണ് എന്ഡിഎ സ്ഥാനാര്ത്ഥി പത്മകുമാറിന്റെ സ്വീകരണ പരിപാടി പുരോഗമിച്ചത്. തുടര്ന്ന് കച്ചേരിപ്പടി, വാഴക്കുന്നം , കാട്ടൂര്പേട്ട, കിളിയാനിക്കല്, അന്ത്യാളന്കാവ്, പുതമണ്, ചാമതയ്ക്കല് എന്നിവിടങ്ങളി സ്വീകരണത്തിന് ശേഷം ഉച്ചയ്ക്ക് 2.30 ഓടെ കീക്കൊഴൂരില് ചെറുകോല് പഞ്ചായത്തിലെ സ്വീകരണ പരിപാടി സമാപിച്ചു.
ഉച്ചയ്ക്ക് ശേഷം റാന്നി പഞ്ചായത്തിലെ ഉതിമൂട്ടില് സ്വീകരണ പരിപാടികള് ആരംഭിച്ചു. ബിജെപി ജില്ലാ വൈസ് പ്രസിഡന്റ് പ്രസാദ് എന് ഭാസ്ക്കരന് ഉദ്ഘാടനം ചെയ്തു. പുതുച്ചേരിമല, പാലച്ചുവട്, മന്ദിരം, തെക്കേപ്പുറം, ബ്ലോക്കുപടി, തോട്ടമണ് എന്നിവിടങ്ങളിലെ സ്വീകരണത്തിന് ശേഷം പെരുമ്പുഴ സ്റ്റാന്റില് സമാപിച്ചു. വിവിധ യോഗങ്ങളില് ബിജെപി ജില്ലാ വൈസ് പ്രസിഡന്റുമാരായ പ്രദീപ് ചെറുകോല്, പ്രസാദ് എന്.ഭാസ്ക്കരന്, സെക്രട്ടറി കെ.കെ.ശശി, റാന്നി നിയോജകമണ്ഡലം പ്രസിഡന്റ് പി.വി.അനോജ് കുമാര്, അഡ്വ.ഷൈന് ജി.കുറുപ്പ്, വിനോദ് മന്ദിരം, അനില് പുറത്തൂട്ട്, ഹരിശ്ചന്ദ്രന്, സന്തോഷ് കുമാര് എന്നിവര് വിവിധ യോഗങ്ങളില് പ്രസംഗിച്ചു.
