കോതമംഗലം: ന്യൂനപക്ഷ മോര്ച്ച നേതാവിനെ അകാരണമായി സാമൂഹ്യവിരുദ്ധര് മര്ദ്ദിച്ചതില് ബിജെപി കോതമംഗലം നിയോജക മണ്ഡലം കമ്മറ്റി ശക്തമായി പ്രതിഷേധിച്ചു.
ന്യൂനപക്ഷ മോര്ച്ച കോതമംഗലം നിയോജകമണ്ഡലം പ്രസിഡന്റ് കുര്യാക്കോസ് തളിയച്ചിറക്കാണ് മര്ദ്ദനമേറ്റത്. ഇന്നലെ രാവിലെ 10-ന് ഊന്നുകല്ലില് വച്ചായിരുന്നു സംഭവം. ബിജെപിയുടെ കൊടിവച്ച വാഹനത്തില് യാത്രചെയ്തുവെന്നാരോപിച്ച് ഊന്നുകല് ഹൈറേഞ്ച് പബ്ലിക് സ്കൂളിന് മുന്നില് വച്ചാണ് ഈരുക്കാരന് ജോണി മക്കളായ സാബു, സനല്, സാം എന്നിവര് ചേര്ന്ന് ബിജെപിയുടെ കൊടിവച്ച കാറില് പോകുമോടായെന്ന് പറഞ്ഞ് മര്ദ്ദിച്ച് റോഡില് തള്ളിയിടുകയായിരുന്നു. തുടര്ന്ന് ഊന്നുകല് പോലീസ് സ്ഥലത്തെത്തി. പരിക്കേറ്റ കുര്യാക്കോസിനെ കോതമംഗലം താലൂക്ക് ആശുപത്രിയില് ചികിത്സയിലാണ്. കുറ്റക്കാര്ക്കെതിരെ ഉടന് നടപടി സ്വീകരിക്കണമെന്ന് ബിജെപി കോതമംഗലം നിയോജകമണ്ഡലം കമ്മറ്റി ആവശ്യപ്പെട്ടു. പ്രസിഡന്റ് ഇ.ടി. നടരാജന് അദ്ധ്യക്ഷത വഹിച്ചു.
